തിരുവനന്തപുരം: പാര്‍ട്ടി ആസ്ഥാനമായ എംഎന്‍ സ്മാരകത്തിന്റെ നവീകരണത്തിനായി നല്‍കിയ സംഭാവന കുറഞ്ഞതിന് വ്യാപാരിക്ക് സി പി ഐ പ്രവര്‍ത്തകരുടെ മര്‍ദ്ദനം. മര്‍ദ്ദനമേറ്റ മാരിയപ്പന്റെ പരാതിയെ തുടര്‍ന്ന് പോത്തന്‍കോട് പൊലീസ് കേസെടുത്തു. 50 രൂപ സംഭാവന നല്‍കിയത് പോരെന്ന് പറഞ്ഞപ്പോള്‍ കൂടുതല്‍ തരില്ലെന്ന് വ്യാപാരി പറഞ്ഞു. തുടര്‍ന്ന് പ്രകോപിതരായ സിപിഐ പ്രവര്‍ത്തകര്‍ കടയില്‍ കയറി മര്‍ദ്ദിക്കുകയായിരുന്നു.
50 രൂപ പറ്റില്ലെന്നും 200 രൂപ വേണമെന്നും സി പി ഐ പ്രവര്‍ത്തകര്‍ ശാഠ്യം പിടിച്ചു. കഴിയില്ലെന്ന് പ്രതികരിച്ചപ്പോള്‍ ഭീഷണിപ്പെടുത്തി. തമിഴ്നാട്ടില്‍ നിന്നും ജീവിക്കാന്‍ വന്നതാണെന്ന് ഓര്‍ക്കണമെന്നും പണം നല്‍കിയില്ലെങ്കില്‍ ജീവിക്കാന്‍ സമ്മതിക്കില്ലെന്നും പ്രവര്‍ത്തകര്‍ കയര്‍ത്തു പറഞ്ഞു. നാല് പേരാണ് സംഭാവന ചോദിച്ച് വന്നത്.
പണം ലഭിക്കില്ലെന്ന് കണ്ടപ്പോള്‍ കടയില്‍ കയറി രണ്ടു തവണ മുഖത്തടിച്ചതായി മാരിയപ്പന്‍ പറഞ്ഞു. ആളുകള്‍ ഓടിയെത്തി അക്രമികളെ പിടിച്ചുമാറ്റുകയായിരുന്നു. അസഭ്യം വിളിച്ച ശേഷം ഇവിടെ ജീവിക്കാന്‍ സമ്മതിക്കില്ലെന്നും കട പൂട്ടിക്കുമെന്നും ഭീഷണിപ്പെടുത്തിയെന്നും മാരിയപ്പന്‍ വെൡപ്പെടുത്തി.
പ്രതികരിക്കാൻ ഇവിടെ എഴുതുക: