ലോസ് ഏഞ്ചല്‍സ്: ഇന്ത്യന്‍ അത്ലറ്റുകള്‍ അന്താരാഷ്ട്ര മത്സരങ്ങളില്‍ തങ്ങളുടെ സാന്നിധ്യം അറിയിച്ച് ഇന്ത്യന്‍ അത്ലറ്റുകള്‍. ക്യൂബയിലെ ഹവാനയില്‍ നടന്ന മീറ്റില്‍ ട്രിപ്പിള്‍ ജമ്പ് താരം പ്രവീണ്‍ ചിത്രവേല്‍ ദേശീയ റിക്കാര്‍ഡ് തകര്‍ത്ത് ലോക അത്ലറ്റിക് ചാമ്പ്യന്‍ഷിപ്പ് യോഗ്യതാ നിലവാരം മറികടന്നു. ചിത്രവേല്‍ 17.37 മീറ്റര്‍ ചാടി ഫിനിഷ് ചെയ്തു, 2016ല്‍ രഞ്ജിത്ത് മഹേശ്വരി സ്ഥാപിച്ച 17.30 മീറ്റര്‍ ദേശീയ റിക്കാര്‍ഡ് മെച്ചപ്പെടുത്തി. ലോസ് ഏഞ്ചല്‍സില്‍ നടന്ന ട്രോക്ക് ഇവന്റില്‍ അവിനാഷ് സാബിളും പരുള്‍ ചൗധരിയും പുരുഷന്മാരുടെയും സ്ത്രീകളുടെയും 5000 മീറ്റര്‍ ദേശീയ റിക്കാര്‍ഡ് ഭേദിക്കുന്ന പ്രകടനങ്ങള്‍ നടത്തി.
2023ലെ ബുഡാപെസ്റ്റ് ലോക അത്ലറ്റിക് ചാമ്പ്യന്‍ഷിപ്പിന്റെ യോഗ്യതാ നിലവാരമായ 17.20 മീറ്ററും 21 കാരനായ ചിത്രവേല്‍ മറികടന്നു. കഴിഞ്ഞ വര്‍ഷം ചെന്നൈയില്‍ നടന്ന ദേശീയ അന്തര്‍ സംസ്ഥാന അത്ലറ്റിക്സ് ചാമ്പ്യന്‍ഷിപ്പില്‍ സ്വര്‍ണം നേടിയപ്പോള്‍ നേടിയ 17.18 മീറ്ററായിരുന്നു അദ്ദേഹത്തിന്റെ നേരത്തെയുള്ള ഏറ്റവും മികച്ച പ്രകടനം.അദ്ദേഹത്തിന്റെ 17.37 മീറ്റര്‍ പ്രയത്നവും കാറ്റിന്റെ അസിസ്റ്റഡ് ജമ്പുകളുടെ സീസണിലെ ടോപ്പ് ലിസ്റ്റില്‍ രണ്ടാം സ്ഥാനത്തെത്തി. ക്യൂബ സ്വദേശിയായ യോന്‍ഡ്രി ബെറ്റാന്‍സോസിന്റെ കീഴിലാണ് ചിത്രവേല്‍ ഇപ്പോള്‍ പരിശീലനം നടത്തുന്നത്
ലോക ജൂനിയര്‍ ചാമ്പ്യന്‍ഷിപ്പില്‍ മെഡല്‍ ജേതാവായ ചിത്രവേലിനൊപ്പം പരിശീലനം നടത്തുന്ന ടി സെല്‍വ പ്രഭുവും അണ്ടര്‍ 20 ദേശീയ റെക്കോഡ് തകര്‍ത്ത് 16.58 മീറ്റര്‍ ചാടി ഇതേ ഇനത്തില്‍ നാലാം സ്ഥാനത്തെത്തി .
ലോസ് ഏഞ്ചല്‍സില്‍ നടന്ന വേള്‍ഡ് അത്ലറ്റിക്സ് കോണ്ടിനെന്റല്‍ ടൂര്‍ സില്‍വര്‍ ലെവല്‍ ഇനമായ സൗണ്ട് റണ്ണിങ് ട്രാക്ക് ഫെസ്റ്റിവലിലാണ് സാബിളും ചൗധരിയും 5000 മീറ്റര്‍ ദേശീയ റിക്കാര്‍ഡുകള്‍ മെച്ചപ്പെടുത്തുന്ന പ്രകടനം നടത്തിയത്
തന്റെ ഇഷ്ട ഇനമായ 3000 മീറ്റര്‍ സ്റ്റീപ്പിള്‍ ചേസില്‍ ദേശീയ റിക്കാര്‍ഡും സാബിളിന്റെ പേരിലാണ്. 2022 കോമണ്‍വെല്‍ത്ത് ഗെയിംസില്‍ 3000 മീറ്റര്‍ സ്റ്റീപ്പിള്‍ ചേസില്‍ വെള്ളി നേടിയിരുന്നു. 2023ലെ ലോക അത്ലറ്റിക് ചാമ്പ്യന്‍ഷിപ്പില്‍ പുരുഷന്‍മാരുടെ 3000 സ്റ്റീപ്പിള്‍ ചേസ് മത്സരത്തിനും അദ്ദേഹം ഇതിനകം യോഗ്യത നേടിയിട്ടുണ്ട്. സാബിളും ചൗധരിയും ഇപ്പോള്‍ യുഎസില്‍ പരിശീലനത്തിലാണ്. ചിത്രവേല്‍, സാബിള്‍, ചൗധരി എന്നിവരെല്ലാം ഇന്‍സ്പയര്‍ ഇന്‍സ്റ്റിറ്റിയൂട്ട് ഓഫ് സ്പോര്‍ട്ട് (ഐഐഎസ്) കായികതാരങ്ങളാണ്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: