പഴയ കാലത്ത് ഭാര്യയുമായി പ്രണയിച്ചു നടന്ന കഥ, നിന്‍ പാതി ഞാന്‍ എന്ന ഒരു മ്യൂസിക്കല്‍ ഷോര്‍ട്ട് സ്റ്റോറി യായി ചിത്രീകരിച്ച് സംവിധായകന്‍ വിപിന്‍ പുത്തൂര്‍. കൂലിപ്പണിക്കാരനായ വിനു വിന്റെയും, മാര്‍ജിന്‍ ഫ്രീമാര്‍ക്കറ്റില്‍ ജോലി ചെയ്യുന്ന അനന്യയുടെയും പ്രണയമാണ് ഇതില്‍ അവതരിപ്പിക്കുന്നത്. സ്വന്തം ഗ്രാമത്തിലെ ഒരു കല്യാണരാത്രി ഇരുവരും കണ്ടുമുട്ടുന്നതും, പ്രണയത്തിലാവുന്നതുമായ രംഗങ്ങള്‍ തികച്ചും പുതുമയോടെ സംവിധായകന്‍ ചിത്രീകരിച്ചിരിക്കുന്നു.
കൂലിപ്പണിക്കാരായ, സാധാരണക്കാരുടെ പ്രണയം ആദ്യമായി ചിത്രീകരിച്ചു എന്നത് ഒരു പ്രത്യേകതയാണ്. സ്വന്തം ജീവിതം മറ്റ് കഥാപാത്രങ്ങളിലൂടെ കാണാന്‍ കഴിഞ്ഞതിലുള്ള സന്തോഷത്തിലാണ് സംവിധായകന്‍ വിപിന്‍ പുത്തൂരും, ഭാര്യയും നിന്‍ പാതി ഞാന്‍ എന്ന മ്യൂസിക്കല്‍ ഷോര്‍ട്ട് സ്റ്റോറിയുടെ രചയിതാവുമായ അനന്യ വിപിനും. പതിമൂന്ന് മിനിറ്റില്‍ ഒരു മുഴുനീള സിനിമ കണ്ട അനുഭവമാണ് ഇത് നല്‍കുന്നത്. പ്രേക്ഷകര്‍ ഇപ്പോള്‍ സോഷ്യല്‍ മീഡിയയില്‍, പാട്ടും ക്ലിപ്പുകളും, സ്റ്റാറ്റസ് ആയും,റില്‍സ് ആയും ഇട്ടു തുടങ്ങിയത്, നിന്‍ പാതി ഞാന്‍ എന്ന വര്‍ക്കിന്റെ വലിയൊരു വിജയമായി കാണാം.
പാക്കപ്പ് ഫിലിംസിന്റെ ബാനറില്‍ ഡോ.സൈനുദ്ധീന്‍ പട്ടാഴി, ഡോ. നിധിന്‍ എസ്. എന്നിവര്‍ ചേര്‍ന്ന് നിര്‍മ്മിച്ചിരിന്നുന്ന നിന്‍ പാതി ഞാനും വിപിന്‍ പുത്തൂര്‍ സംവിധാനം ചെയ്യുന്നു.ക്യാമറ – ടോണ്‍സ് അലക്‌സ്, എഡിറ്റിംങ് – അരുണ്‍ പി.ജി, ഗാനരചന -വിനായക് ശശികുമാര്‍ ,സംഗീതം – പ്രശാന്ത് മോഹന്‍ എം.പി, ആലാപനം – വിനീത് ശ്രീനിവാസന്‍ ,ശബ്ദലേഖനം-സേത് എം.ജേക്കബ്, ശബ്ദമിശ്രണം -വിഷ്ണു രഘു, പ്രോഗ്രാമിംഗ് – ശ്രീരാഗ്, കല -ശ്യാംലാല്‍, ചമയം – രജനി രാജീവ്, സംവിധാന സഹായികള്‍ – അരവിന്ദ് രാജ് വി.എസ്, ജിഷ്ണു, അരുണ്‍ രാജ്, വസ്ത്രാലങ്കാരം- സമ്പാദ് ബഷീര്‍, പ്രൊഡക്ഷന്‍ കണ്‍ട്രോളര്‍- റാസിഖ് ആര്‍ അഞ്ചല്‍, ക്യാമറ അസിസ്റ്റന്റ് – നഹാസ്, പരസ്യകല – അര്‍ജുന്‍ ജി.ബി, സ്റ്റില്‍ – അരുണ്‍ സഹദേവന്‍, മിശ്രണം- സുരേഷ്, പി.ആര്‍.ഒ- അയ്മനം സാജന്‍. ഷൈന്‍ രാജേന്ദ്രന്‍, സാന്ദ്ര എസ്.ദേവ് എന്നിവര്‍ പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.
പ്രതികരിക്കാൻ ഇവിടെ എഴുതുക: