കൊച്ചി: ക്രൈസ്തവ സംന്യാസത്തെ നിരന്തരം തേജോവധം ചെയ്യുന്നവര് ഇവരുടെ സേവനങ്ങളുടെ ഗുണഫലം കാലങ്ങളായി അനുഭവിച്ചവരും ഇന്നും അനുഭവിക്കുന്നവരുമാണെന്നുള്ള സത്യം മറക്കരുതെന്ന് കാത്തലിക് ബിഷപ്സ്് കോണ്ഫറന്സ് ഓഫ് ഇന്ത്യ ലെയ്റ്റി കൗണ്സില്. മതസ്പര്ദ്ധ സൃഷ്ടിച്ച് സമൂഹത്തില് ഭിന്നിപ്പുണ്ടാക്കാന് രാഷ്ട്രീയ നേതൃത്വങ്ങള് ശ്രമിക്കുന്നത് അപലപനീയമാണെന്ന് കൗണ്സില് സെക്രട്ടറി വി.സി.സെബാസ്റ്റ്യന് പറഞ്ഞു.
ആവിഷ്കാര സ്വാതന്ത്ര്യത്തിന്റെ മറവില് ഇരട്ടത്താപ്പാണ് സര്ക്കാര് സംവിധാനങ്ങളും രാഷ്ട്രീയ നേതൃത്വങ്ങളും സ്വീകരിക്കുന്നത്. സംന്യാസിനിമാരെ അവഹേളിക്കുന്ന കക്കുകളി നാടകം ആവിഷ്കാര സ്വാന്ത്ര്യമെന്ന് ന്യായീകരിക്കുന്നവര്, ആഗോളഭീകരതയുടെ ഉറവിടങ്ങള് ചൂണ്ടിക്കാണിക്കുന്ന ആവിഷ്കാരങ്ങള് വര്ഗീയതയും മതവിദ്വേഷവും വളര്ത്തുമെന്ന് വാദിക്കുന്നത് വിരോധാഭാസമാണ്.
2021 സപ്തംബര് 22ന് മുഖ്യമന്ത്രിതന്നെ, സര്ക്കാര് ഖജനാവില് നിന്ന് 2018 മുതല് ചില വിഭാഗങ്ങള്ക്കിടയില് ഡീറാഡിക്കലൈസേഷന് പ്രവര്ത്തനങ്ങള് നടത്താന് പണം ചെലവഴിക്കുന്നുവെന്ന് വ്യക്തമാക്കിയിട്ടുണ്ട്. ഭീകരസംഘടനകളുമായി ബന്ധപ്പെട്ട കേരളത്തിലെ ചില കണക്കുകളും പു
റത്തിറക്കി.
കേരളത്തിലെ ഭീകരവാദ സ്ലീപ്പിങ് സെല്ലുകളെക്കുറിച്ച് മുന് ഡിജിപി നടത്തിയ വെളിപ്പെടുത്തലുകളും 2020 ജൂലൈയില് യുഎന് പുറത്തിറക്കിയ റിപ്പോര്ട്ടുകളും രേഖകളായി നിലനില്ക്കുന്നു. ഇതെല്ലാം മറന്ന് ഭീകരതയെ പു
ല്കാന് മതേതരത്വവും മതനിരപേക്ഷതയും പ്രസംഗിക്കുന്ന രാഷ്ട്രീയ നേതൃത്വങ്ങള് ആവേശം കാണിക്കുന്നത് അപകടം ക്ഷണിച്ചുവരുത്തും.ക്രൈസ്തവരെ ആക്ഷേപിച്ച് ഭീകരതയെ താലോലിക്കാന് ശ്രമിക്കുന്ന രാഷ്ട്രീയ അടവുനയം സാക്ഷരകേരളത്തില് വിലപ്പോവില്ലെന്നും സിബിസിഐ വ്യക്തമാക്കി.
