പൊന്നിയിന് സെല്വന്റെ രണ്ടാം ഭാഗത്തില് വ്യത്യസ്ത വേഷപകര്ച്ചയില് നടന് ജയറാം. സിനിമയുടെ ഒന്നാം ഭാഗത്തില് വലിയ കുടവയറും മൊട്ടതലയനുമായ വൈഷ്ണവ ഭക്തനായ ആഴ്വാര്കടിയാന് നമ്പിയായി ആണ് എത്തിയത്. എന്നാല് അണിയറ പ്രവര്ത്തകര് യൂട്യുബിലൂടെ പുറത്തുവിട്ട ചിത്രത്തിന്റെ സ്നീക്ക് പീക്കില് നീട്ടിയ താടിയും ജടാനരകളുള്ള തലമുടിയുമായി കാണപ്പെട്ടു.
കാര്ത്തിയുടെ കഥാപാത്രത്തെ രക്ഷിക്കാന് വരുന്ന ഒരു അഘോരിയായി ആണ് അദേഹം എത്തിയത്. കാളാമുഖന് എന്ന കഥാപാത്രമായാകും രണ്ടാം ഭാഗത്തില് ജയറാം അമ്പരപ്പിക്കുക എന്നും റിപ്പോര്ട്ടുണ്ട്. ഈ രൂപത്തിലുള്ള ചിത്രം നടന് ജയറാമും ഇന്സ്റ്റയിലൂടെ പങ്കുവച്ചു.
പൊന്നിയിന് സെല്വന് രണ്ടാം ഭാഗത്തിന്റെ വേള്വൈഡ് റിലീസ് നാളെയാണ്. ചിത്രം 4ഡിഎക്സിലും റിലീസ് ചെയ്യും എന്നത് രണ്ടാം ഭാഗത്തിന്റെ മറ്റൊരു കൗതുകമാണ്. 3ഡിയേക്കാള് മുകളില് തിയറ്റര് അനുഭവത്തിന്റെ അടുത്ത തലം പ്രദാനം ചെയ്യുന്ന ടെക്നോളജിയാണ് 4ഡിഎക്സ്. 4ഡിഎക്സില് റിലീസ് ചെയ്യുന്ന ആദ്യ തെന്നിന്ത്യന് ചിത്രം എന്ന പ്രത്യേകതയും പൊന്നിയിന് സെല്വന് 2നുണ്ട്.
