ലഖ്‌നൗ : ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെതിരെ വീണ്ടും വധ ഭീഷണി. മുഖ്യമന്ത്രിയെ ഉടന്‍ വധിക്കുമെന്നായിരുന്നു ഭീഷണി സന്ദേശമെത്തിയത്. അടിയന്തരസാഹചര്യങ്ങളില്‍ ബന്ധപ്പെടാനുള്ള ഉത്തര്‍പ്രദേശ് പോലീസിന്റെ 112 ടോള്‍ ഫ്രീ നമ്പറിലേക്കാണ് സന്ദേശമെത്തിയത്. സംഭവത്തില്‍ സുശാന്ത് ഗോള്‍ഫ് സിറ്റി പോലീസ് കേസ് രജിസ്റ്റര്‍ ചെയ്ത് അന്വേഷണം തുടങ്ങി.
ഞായറാഴ്ച രാത്രി 10.22 ഓടെയാണ് പോലീസിന് ഭീണി സന്ദേശം എത്തിയത്. ഐപിസി സെക്ഷന്‍ 506, 507, ഐടി ആക്ടിലെ 66 വകുപ്പുകള്‍ ചുമത്തിയാണ് കേസെടുത്തിരിക്കുന്നത്. സന്ദേശത്തിന് പിന്നില്‍ രഹാന്‍ എന്ന് പേരുള്ളയാളാണെന്ന് പോലീസ് തിരിച്ചറിഞ്ഞിട്ടുണ്ട്.
നേരത്തെ പ്രധാനമന്ത്രി നരേന്ദ്രമോദിയേയും മുഖ്യമന്ത്രി യോഗി ആദിത്യനാഥിനേയും വധിക്കുമെന്ന് ഭീഷണി സന്ദേശമയച്ച സ്‌കൂള്‍ വിദ്യാര്‍ത്ഥിയെ നോയിഡ പോലീസ് അറസ്റ്റ് ചെയ്തിരുന്നു. യുപിയിലെ മാധ്യമസ്ഥാപനത്തിനായിരുന്നു 16കാരനായ വിദ്യാര്‍ത്ഥി സന്ദേശം അയച്ചത്.
പ്രതികരിക്കാൻ ഇവിടെ എഴുതുക