കൊച്ചി: കൊച്ചിയിലെത്തിയ പ്രധാനമന്ത്രി മോദിയ്‌ക്ക് ആരാധകരുടെ ആദരവിന്റെ തോരാത്ത പുഷ്പവൃഷ്ടി. വെണ്ടുരുത്തി പാലത്തിനടുത്ത് നിന്ന് തുറന്ന വാഹനത്തിലേറാതെ ഏറെ ദൂരം നടക്കാനാണ് മോദി ഇഷ്ടപ്പെട്ടത്.
കേരളീയ വേഷ്ടിയും ജൂബ്ബയും മേല്‍മുണ്ടുമണിഞ്ഞ് മെല്ലെ റോഡിനിരുവശവും തിങ്ങിനിന്നിരുന്ന ആരാധകരോട് കൈവീശിയാണ് മോദി നീങ്ങിയത്. അന്നേരം റോഡിനിരുവശത്ത് നിന്നും ജനങ്ങള്‍ മോദിയ്‌ക്ക് നേരെ പുഷ്പവൃഷ്ടി നടത്തുകയായിരുന്നു. തോരാത്ത പുഷ്ടവൃഷ്ടിയില്‍ മോദി നടക്കുന്ന പാത വരെ പീതവര്‍ണ്ണമായി.
ഒരു ഘട്ടത്തില്‍ മോദിക്ക് തന്നെ പല തവണ മുഖത്ത് വന്നുവീഴുന്ന പൂക്കള്‍ മാറ്റാന്‍ കണ്ണട പല തവണ ഊരിമാറ്റേണ്ടതായും വന്നു. കുറെക്കഴിഞ്ഞ് മോദി നടത്തം നിര്‍ത്തി വാഹനത്തിലേറിയപ്പോള്‍ ആ വാഹനവും മഞ്ഞനിറമായി. അത്രയ്‌ക്ക് ആവേശത്തോടെയായിരുന്നു മോദിയ്‌ക്ക് നേരെയുള്ള ആരാധകരുടെ പുഷ്പവൃഷ്ടി.
പ്രതികരിക്കാൻ ഇവിടെ എഴുതുക: