ക്രിസ്ത്യന്‍ മതമേലധ്യക്ഷന്മാരുമായി കൂടിക്കാഴ്ച നടത്താന്‍ പ്രധാനമന്ത്രി താജ് ഹോട്ടലിൽ എത്തി; മോദിയെ കാണാന്‍ ആലഞ്ചേരിയുള്‍പ്പെടെ എട്ട് പേര്‍

കൊച്ചി: ക്രിസ്ത്യന്‍ മതമേലധ്യക്ഷന്മാരുമായി കൂടിക്കാഴ്ച നടത്താന്‍ പ്രധാനമന്ത്രി താജ് ഹോട്ടലില്‍ എത്തി. യുവം സംവാദപരിപാടിയില്‍ പ്രസംഗിച്ച ശേഷമാണ് പ്രധാനമന്ത്രി താജ് ഹോട്ടലില്‍ എത്തിയത്.  

പ്രധാനമന്ത്രിയുമായി കൂടിക്കാഴ്ച നടത്തുന്നത് എട്ടംഗ ക്രിസ്തീയ മതമേലധ്യക്ഷന്‍മാരാണ്. ഇവരുടെ പട്ടിക താഴെ:

1. മാർ ജോർജ്ജ് ആലഞ്ചേരി, സിറോ മലബാർ സഭ

2. ബസേലിയോസ് മാർതോമ്മ മാത്യൂസ് ത്രിതീയൻ കാതോലിക്ക, ഓർത്തഡോക്സ് സഭ

3. ജോസഫ് മാർ ഗ്രീഗോറിയോസ്, യാക്കോബായ സഭ

4. മാർ മാത്യു മൂലക്കാട്ട്, ക്നാനായ കത്തോലിക്ക സഭ, കോട്ടയം

5. മാർ ഔജിൻ കുര്യാക്കോസ്, കൽദായ സുറിയാനി സഭ

6. കർദ്ദിനാൾ മാർ ക്ലീമിസ്, സിറോ മലങ്കര സഭ

7. ആർച്ച്ബിഷപ് മാർ ജോസഫ് കളത്തിപ്പറമ്പിൽ, ലത്തീൻ കത്തോലിക്ക സഭ

8. കുര്യാക്കോസ് മാർ സേവേറിയൂസ്, ക്നാനായ സിറിയൻ സഭ, ചിങ്ങവനം

കേരളത്തില്‍ ക്രിസ്ത്യന്‍ സമുദായവുമായുള്ള അടുപ്പത്തിന്റെ ഭാഗമാണ് ഈ കൂടിക്കാഴ്ച. പ്രധാനമന്ത്രിയുമായി കൂടിക്കാഴ്‌ച്ച നടത്തുന്ന എട്ട് ക്രൈസ്തവ മതമേലധ്യക്ഷന്മാർ നേരത്തെ താജ് ഹോട്ടലിൽ എത്തി. ബിജെപി സംസ്ഥാന ഉപാധ്യക്ഷൻ കെ എസ് രാധാകൃഷ്ണനും പ്രധാനമന്ത്രിക്കും മത മേലധ്യക്ഷൻ മാർക്കും ഒപ്പമുണ്ട്.