ന്യൂദല്ഹി : വിമാന ജീവനക്കാരോട് അപമര്യാദയായി പെരുമാറിയതിനെ തുടര്ന്ന് ലണ്ടനിലേക്ക് പുറപ്പെട്ട വിമാനം തിരിച്ചിറക്കി. ദല്ഹി ഇന്ദിരാഗാന്ധി വിമാനത്താവളത്തില് നിന്ന് പറന്ന എയര് ഇന്ത്യയുടെ AI 111 വിമാനമാണ് യാത്രക്കാരന്റെ മോശം പെരുമാറ്റത്തെ തുടര്ന്ന് തിരിച്ചിറക്കേണ്ടി വന്നത്.
വിമാന ജീവനക്കാരോട് യാത്രക്കാരന് ദേഷ്യപ്പെടുകയും പിന്നീട് തര്ക്കം ഉണ്ടാവുകയും ചെയ്തതോടെയാണ് വിമാനം തിരിച്ചിറക്കിയത്. യാത്രക്കാരനെതിരെ വിമാനക്കമ്പനി ദല്ഹി എയര്പോര്ട്ട് പോലീസ് സ്റ്റേഷനില് പരാതിയും നല്കിയിട്ടുണ്ട്. പരാതിയുടെ അടിസ്ഥാനത്തില് യാത്രക്കാരനെ പോലീസ് സ്റ്റേഷനില് എത്തിച്ചു.
225 ഓളം യാത്രക്കാരാണ് വിമാനത്തില് ഉണ്ടായിരുന്നത്. പ്രശ്നം ഉണ്ടാക്കിയ യാത്രക്കാരനെ ദല്ഹി വിമാനത്താവളത്തിലിറക്കിയ ശേഷം ലണ്ടനിലേക്ക് പറന്നു.
