മഞ്ചേരി : സൂപ്പര് കപ്പില് ഇന്ന് നടന്ന മത്സരത്തില് ഹൈദരാബാദ് എഫ്സിക്ക് ജയം. ഗ്രൂപ്പ് ബി മത്സരമാണ് നടന്നത്. മിസോറമിലെ ഐസ്വാള് എഫ്സിയെ 2-1 എന്ന് സ്കോറിനാണ് ഹൈദരാബാദ് പരാജയപ്പെടുത്തിയത്.
കളിയുടെ തുടക്കം മുതല് ഹൈദ്രാബാദ് ആധിപത്യം പുലര്ത്തി. 17ാം മിനിറ്റില് മുന്നിലെത്തിയ ഹൈദ്രാബാദിന് വേണ്ടി ജോയല് കിയാനിസെയാണ് ഗോള് നേടിയത്.
ഹൈദരാബാദ് താരം ആരെന് ഡിസില്വയെ ഐസ്വാള് താരം ബോക്സില് ഫൗള് ചെയ്തതിന് 50ാം മിനിറ്റില് റഫറി പെനാല്റ്റി നല്കിയതോടെയാണ് രണ്ടാമത്തെ ഗോള് വീണത്. ജാവോ വിക്ടര് ആണ് പന്ത് വലയിലാക്കിയത്. ഇന്ച്വറി ടൈമിലാണ് ഐസ്വാളിന്റെ ആശ്വാസ ഗോളടിച്ചത്. ഇവാന് വെരാസാണ് ഗോള് നേടിയത്.
