തിരുവനന്തപുരം: സംസ്ഥാനത്തെ സ്കൂളുകളിലെ ഒന്നാം ക്ലാസ് പ്രവേശനം അഞ്ച് വയസില് തന്നെയായിരിക്കുമെന്ന് വിദ്യാഭ്യാസ മന്ത്രി വി ശിവന്കുട്ടി. . ഫേസ്ബുക്ക് കുറിപ്പിലൂടെയായിരുന്നു ശിവന്കുട്ടിയുടെ പ്രതികരണം.
അഞ്ചു വയസില് കുട്ടികളെ ഒന്നാം ക്ലാസില് ചേര്ക്കണമെന്ന് ആഗ്രഹിക്കുന്ന രക്ഷിതാക്കള്ക്ക് അടുത്ത അക്കാദമിക് വര്ഷവും അതിനുള്ള അവസരം ഉണ്ടാക്കാനാണ് തീരുമാനമെന്നും മന്ത്രി പ്രതികരിച്ചു. 2020ലെ ദേശീയ വിദ്യാഭ്യാസ നയം അനുസരിച്ച് ഒന്നാം ക്ലാസ് പ്രവേശനത്തിന് ആറ് വയസാക്കണമെന്ന് നിര്ദേശിച്ചുകൊണ്ട് കഴിഞ്ഞ മാസം കേന്ദ്രവിദ്യാഭ്യാസ മന്ത്രാലയം സംസ്ഥാനങ്ങള്ക്ക് കത്തയച്ചിരുന്നു. എന്നാലിത് തത്ക്കാലം പരിഗണിക്കേണ്ടതില്ലെന്നാണ് സംസ്ഥാന സർക്കാരിന്റെ നിലപാട്.
മന്ത്രിയുടെ ഫേസ്ബുക്ക് പോസ്റ്റിന്റെ പൂര്ണ്ണരൂപം
സംസ്ഥാനത്തെ സ്കൂളുകളിലെ ഒന്നാം ക്ലാസ് പ്രവേശന പ്രായം അഞ്ച് വയസ് തന്നെയാണ്. എത്രയോ കാലമായി നാട്ടില് നിലനില്ക്കുന്ന ഒരു രീതി അഞ്ചു വയസ്സില് കുട്ടികളെ ഒന്നാം ക്ലാസില് ചേര്ക്കുക എന്നതാണ്. സമൂഹത്തെ വിശ്വാസത്തിലെടുത്തും ബോധ്യപ്പെടുത്തിയും മാത്രമേ പ്രവേശന പ്രായം സ്വാഭാവികമായും വര്ദ്ധിപ്പിക്കാന് കഴിയൂ. ആയതിനാല് അഞ്ചു വയസ്സില് കുട്ടികളെ ഒന്നാം ക്ലാസില് ചേര്ക്കണമെന്ന് ആഗ്രഹിക്കുന്ന രക്ഷിതാക്കള്ക്ക് അടുത്ത അക്കാദമിക വര്ഷവും അതിനുള്ള അവസരം ഉണ്ടാക്കാന് ആണ് തീരുമാനം.
