ന്യൂദല്ഹി: രാജ്യത്ത് കോവിഡ് കേസുകളില് വന് വര്ധന. കേന്ദ്ര ആരോഗ്യ മന്ത്രാലയത്തിന്റെ ഏറ്റവും പുതിയ കണക്കുകള് പ്രകാരം കഴിഞ്ഞ 24 മണിക്കൂറിനുള്ളില് രാജ്യത്ത് 1805 പുതിയ കേസുകള് റിപ്പോര്ട്ട് ചെയ്തു.കഴിഞ്ഞ 149 ദിവസങ്ങളിലെ ഏറ്റവും ഉയര്ന്ന നിരക്കാണിത്. ഇതോടെ ആക്ടീവ് കേസുകളുടെ എണ്ണം 10,000 കടന്നു. 7 കൊവിഡ് മരണങ്ങളാണ് കഴിഞ്ഞ ദിവസം രാജ്യത്ത് സ്ഥിരീകരിച്ചത്. മാഹാരാഷ്ട്രയിലും ഗുജറത്തിലും 2 വീതവും കേരളത്തില് 3 പേരുമാണ് കൊവിഡ് ബാധിച്ചു മരിച്ചത്.
അതേസമയം സംസ്ഥാനത്തെ കോവിഡ് കണക്കുകള് പ്രകാരം ആക്ടീവ് കേസുകളുടെ പട്ടികയില് കേരളമാണ് ഒന്നാമത്. ശനിയാഴ്ച കേരളത്തില് 1500 പേര്ക്കാണ് രോഗം സ്ഥിരീകരിച്ചത്.
രാജ്യത്ത് കൊവിഡ് കേസുകള് വര്ദ്ധിച്ചുവരുന്ന സാഹചര്യത്തില് തയ്യാറെടുപ്പുകള് അവലോകനം ചെയ്യാന് കേന്ദ്ര ആരോഗ്യ സെക്രട്ടറി രാജേഷ് ഭൂഷണ് ഇന്ന് വൈകുന്നേരം സംസ്ഥാന ആരോഗ്യ സെക്രട്ടറിമാരുമായും മുതിര്ന്ന ഉദ്യോഗസ്ഥരുമായും വീഡിയോ കോണ്ഫറന്സിങ് വഴി യോഗം നടത്തും. ഏപ്രില് 1011 തീയതികളില് രാജ്യവ്യാപകമായി ഒരു മോക്ക് ഡ്രില്ലും ആസൂത്രണം ചെയ്തിട്ടുണ്ട്, അതില് എല്ലാ ജില്ലകളിലെയും ആരോഗ്യ സ്ഥാപനങ്ങള് പങ്കെടുക്കും. മോക്ക് ഡ്രില്ലിന്റെ വിശദാംശങ്ങള് ഇന്നത്തെ യോഗത്തില് അറിയിക്കും.
