തിരുവനന്തപുരം: 1921ല് നടന്ന മലബാര് കലാപത്തിന്റെ പേരില് നടന്ന ഹിന്ദു വംശഹത്യയുടെ കഥ പറയുന്ന രാമസിംഹന്റെ പുഴ മുതല് പുഴ വരെ എന്ന സിനിമ വിജയത്തിലേക്ക്. ഇപ്പോള് മൂന്നാം വാരത്തിലേക്ക് കടന്ന സിനിമ 30 തിയറ്ററുകളില് 25ാം ദിവസത്തിലേക്ക് പ്രവേശിക്കുകയാണ്.
സംവിധായകന് രാമസിംഹന് തന്നെയാണ് ഇതേക്കുറിച്ച് ഫേസ്ബുക്ക് പോസ്റ്റ് വഴി അറിയിച്ചത്. മൂന്നാം വാരത്തിലേക്ക് കടക്കുന്ന തിയറ്ററുകള്ക്ക് പുറമെ പല പുതിയ തിയറ്ററുകളിലും പുഴ മുതല് പുഴ വരെ പ്രദര്ശിപ്പിക്കുന്നുണ്ട്. ആലപ്പുഴ പാന് സിനിമ, ഓയൂര് എന്വിപി സിനിമ എന്നിവിടങ്ങളില് പുതുതായി സിനിമ പ്രദര്ശിപ്പിക്കും.
അതുപോലെ കമ്മ്യൂണിസ്റ്റ് കോട്ടയായി അറിയപ്പെടുന്ന കൂത്തുപറമ്പില് പുഴ മുതല് പുഴ വരെ മൂന്ന് ഷോകളാക്കി ഉയര്ത്തിയിട്ടുണ്ട്. അതുപോലെ ഈ സിനിമയില് ചാത്തന്റെ വേഷം കെട്ടിയ ആര്എല്വി രാമകൃഷ്ണന് കോവിഡ് കാലത്ത് തനിക്ക് ലഭിച്ച ആ വേഷം വലിയ അനുഗ്രഹമാണെന്ന് ഒരു അഭിമുഖത്തില് തുറന്നുപറയുന്നുണ്ട്. കൂടുതല് പേരെ സിനിമ കാണിക്കാന് പലരും രംഗത്ത് വരുന്നുണ്ട്. അതില് ഒരാളായ ജയകൃഷ്ണന് മേനോന് പങ്കുവെച്ച പോസ്റ്റ് ഇതാണ്:”കാണാൻ ആഗ്രഹം ഉള്ള 10 പേർക്ക് പാലക്കാട് ന്യൂ ആരോമ തീയറ്ററിൽ വൈകിട്ട് 5.30 ന്റെ പ്രദർശനത്തിന് (ഇവിടെ ഒരു ഷോ മാത്രമേ ഉള്ളൂ) ടിക്കറ്റ് എടുത്തു കൊടുക്കുന്നതാണ്. കൂടുതൽ പേർ ഉണ്ടെങ്കിൽ പറഞ്ഞാൽ മതി. എന്റെ നാടിന്റെ ചരിത്രം ആണ്. ഞാൻ ജനിച്ചു വളർന്ന നിലമ്പൂർ കോവിലകത്തുമുറിയുടെ കൂടെ ചരിത്രം. ഇസ്ലാമികവാദികളാൽ ദാരുണമായി കൊല ചെയ്യപ്പെട്ട, രക്തബന്ധമുള്ള എന്റെ പൂർവികരുടെ ചരിത്രം. എന്റെ തറവാടിന്റെ തൊട്ടടുത്തുള്ള സുധർമ്മ എന്ന കോവിലകത്തെ വീട്ടിലെ കിണറ്റിൽ 21 തലയറ്റ ശവശരീരങ്ങൾ ആണ് അന്ന് പെറുക്കി എടുത്തത് എന്ന് അമ്മയുടെ അച്ഛൻ പണ്ട് പറഞ്ഞത് ഇന്നും ഓർക്കുന്നു.”
സിനിമ പതുക്കെ അടുത്ത സംസ്ഥാനങ്ങളിലേക്ക് കൂടി കൊണ്ടൂപോകാനുല്ള ശ്രമവും അലി അക്ബര് ചെയ്യുന്നുണ്ട്. മാര്ച്ച് 24ന് കര്ണ്ണാടകയിലും തമിഴ്നാട്ടിലും ‘പുഴ മുതല് പുഴ വരെ’ സിനിമ റിലീസ് ആവുകയാണ്.
