വിഷ്ണു ഉണ്ണികൃഷ്ണന് കേന്ദ്ര കഥാപാത്രമാകുന്ന ‘കള്ളനും ഭഗവതിയും’ എന്ന സിനിമയിലെ രഞ്ജിന് രാജ് സംഗീതം നല്കിയ ‘മറക്കില്ല ഞാനെന്റെ’ എന്നാരംഭിക്കുന്ന ലിറിക്കല് വീഡിയോ ഗാനം പുറത്തിറങ്ങി. ഈസ്റ്റ് കോസ്റ്റ് കമ്യൂണിക്കേഷന്സിന്റെ ബാനറില് ഈസ്റ്റ് കോസ്റ്റ് വിജയന് സംവിധാനം ചെയ്യുന്ന ‘കള്ളനും ഭഗവതിയും’ മാര്ച്ച് മുപ്പത്തിയൊന്നിന് പ്രദര്ശനത്തിനെത്തുന്നു.
വിഷ്ണു ഉണ്ണികൃഷ്ണന്, അനുശ്രീ, ബംഗാളി താരം മോക്ഷ എന്നിവര് പ്രധാന കഥാപാത്രങ്ങളാവുന്ന ഈ ചിത്രത്തില് കള്ളന്റെ മുന്നില് പ്രത്യക്ഷപ്പെടുന്ന ഭഗവതിയും അതുമായി ബന്ധപ്പെട്ട കഥയുമാണ് പറയുന്നത്. സലിം കുമാര്, പ്രേംകുമാര്. ജോണി ആന്റണി, നോബി, രാജേഷ് മാധവ്, ശ്രീകാന്ത് മുരളി, രതീഷ് ഗിന്നസ്, ജയശങ്കര്, ജയന് ചേര്ത്തല, ജയപ്രകാശ് കുളൂര്, മാല പാര്വ്വതി തുടങ്ങിയവര് ഈ ചിത്രത്തില് വേഷമിടുന്നു. മോഷണശ്രമങ്ങളെല്ലാം പരാജയപ്പെട്ടു നില്ക്കുന്ന ‘മാത്തപ്പന്’ എന്ന കള്ളന്റെ ജീവിതത്തില് അപ്രതീക്ഷിതമായി ഭഗവതിയുടെ സാന്നിദ്ധ്യമുണ്ടാക്കുന്ന സംഭവങ്ങള് അത്യന്തം നര്മ്മ മുഹൂര്ത്തങ്ങളിലൂടെ അവതരിപ്പിക്കുകയാണ് ഈ ചിത്രത്തിലൂടെ.
ഈസ്റ്റ് കോസ്റ്റ് കമ്യൂണിക്കേഷന് പ്രൈവറ്റ് ലിമിറ്റഡ് നിര്മിക്കുന്ന ഈ ചിത്രത്തിന്റെ തിരക്കഥ സംഭാഷണം ഈസ്റ്റ് കോസ്റ്റ് വിജയന് കെ.വി. അനില് എന്നിവര് ചേര്ന്ന് എഴുതുന്നു. പത്താം വളവിലൂടെ സ്വതന്ത്ര ക്യാമറാമാനായി മാറിയ രതീഷ് റാം ഛായാഗ്രഹണം നിര്വഹിക്കുന്നു. സന്തോഷ് വര്മ്മയുടെ വരികള്ക്ക് രഞ്ജിന് രാജ് സംഗീതം പകരുന്നു.
എഡിറ്റര്- ജോണ്കുട്ടി, എക്സിക്യൂട്ടീവ് പ്രൊഡ്യൂസര്- രാജശേഖരന്, പ്രൊഡക്ഷന് കണ്ട്രോളര്- രാജേഷ് തിലകം, കഥ- കെ.വി. അനില്, പശ്ചാത്തല സംഗീതം- രഞ്ജിന് രാജ്, കലാ സംവിധാനം- രാജീവ് കോവിലകം, ഗ്രാഫിക്സ്- നിഥിന് റാം. ലൊക്കേഷന് റിപ്പോര്ട്ട്അസിം കോട്ടൂര്, പിആര്ഒ- എ.എസ്. ദിനേശ്.
