കൊച്ചി : സ്വപ്‌ന സുരേഷിനെ ഭീഷണിപ്പെടുത്തിയെന്ന പരാതിയില്‍ ഹാജരാകാന്‍ ആവശ്യപ്പെട്ടുകൊണ്ടുള്ള കര്‍ണാടക പോലീസിന്റെ നോട്ടീസ് തനിക്ക് ലഭിച്ചിട്ടില്ലെന്ന് വിജേഷ് പിള്ള. മുഖ്യമന്ത്രി പിണറായിക്കെതിരെയുള്ള തെളിവുകള്‍ നശിപ്പിക്കണം, കേരളം വിടണമെന്നും വിജേഷ് ഭീഷണിപ്പെടുത്തിയെന്ന പരാതിയില്‍ ആര്‍കെപുര പോലീസാണ് കേസെടുത്തിരിക്കുന്നത്. എഫ്‌ഐആര്‍ രജിസ്റ്റര്‍ ചെയ്‌തെന്ന റിപ്പോര്‍ട്ട് പുറത്തുവന്നതിനു പിന്നാലെയാണ് വിജേഷിന്റെ ഈ പ്രതികരണം.
സ്വപ്നയുടെ പരാതിയില്‍ രജിസ്റ്റര്‍ ചെയ്ത പോലീസ് കേസ് നിയമപരമായി നേരിടുമെന്നും പ്രതി വിജേഷ് പിള്ള അറിയിച്ചു. കര്‍ണാടക പോലീനിസിന്റെ നോട്ടീസ് ലഭിച്ചിട്ടില്ല. കിട്ടിയശേഷം തുടര്‍ നടപടി തീരുമാനിക്കുമെന്നും കൂട്ടിച്ചേര്‍ത്തു.
നിലവില്‍ പ്രാഥമികാന്വേഷണം മാത്രമാണ് കേസില്‍ നടന്നിട്ടുള്ളത്. ഹോട്ടലിലെ ദൃശ്യങ്ങള്‍ ഉള്‍പ്പെടെ പരിശോധിച്ചാകും കേസ് മുന്നോട്ട് പോകുക. എന്നാല്‍ തന്നെ വിജേഷ് മാത്രമാണ് കാണാനെത്തിയത് എന്നാണ് സ്വപ്‌ന പോലീസില്‍ മൊഴി നല്‍കിയിട്ടുള്ളത്. എന്നാല്‍ വിജേഷിനൊപ്പം മറ്റൊരാള്‍ കൂടിയുണ്ടെന്നാണ് പോലീസിനോട് ഹോട്ടലുകാര്‍ അറിയിച്ചത്.
പ്രതികരിക്കാൻ ഇവിടെ എഴുതുക: