കൊച്ചി: റുപേ പ്രൈം വോളിബോള് ലീഗ് ആദ്യ സെമിയില് നിലവിലെ ചാമ്പ്യന്മാരായ കൊല്ക്കത്ത തണ്ടര്ബോള്ട്ട്സിനെ തോല്പ്പിച്ച് ബെംഗളൂരു ടോര്പ്പിഡോസ് ഫൈനലില്. ആവേശം നിറഞ്ഞ മത്സരത്തില് 3-1 നാണ് ടോര്പ്പിഡോസിന്റെ വിജയം. സ്കോര്: 15-10, 10-15, 15-13, 15-10. നാളെ രണ്ടാം സെമിയില് കാലിക്കറ്റ് ഹീറോസ്, അഹമ്മദാബാദ് ഡിഫന്ഡേഴ്സിനെ നേരിടും. വൈകിട്ട് ഏഴിന് കടവന്ത്ര രാജീവ്ഗാന്ധി ഇന്ഡോര് സ്റ്റേഡിയത്തിലാണ് മത്സരം.
ബെംഗളൂരിന്റെ സ്പൈക്ക് പിഴവില് നിന്ന് കൊല്ക്കത്ത ആദ്യ പോയിന്റ് നേടി. ഐബിന് ജോസും പങ്കജ് ശര്മയും ചേര്ന്ന് ബെംഗളൂരിനെ മുന്നിലെത്തിച്ചു. വിനിത് കുമാറിന്റെ സ്പൈക്കുകളില് 10-10ന് ഒപ്പമെത്തിയ തണ്ടര്ബോള്ട്ട്സിന് സൂപ്പര് പോയിന്റില് പിഴച്ചു. അലിറെസ അബലൂച്ചി ബെംഗളൂരിന് മൂന്നാം സെറ്റില് മികച്ച തുടക്കം നല്കി. 15-13ന് സെറ്റ് ടോര്പ്പിഡോസിന് സ്വന്തമായി. രണ്ട് സെറ്റ് വിജയം ബെംഗളൂരില് ഊര്ജം നിറച്ചു. നാലാം സെറ്റില് അവര് 7-2 ലീഡിലേക്ക് കുതിച്ചു. സൂപ്പര് സെര്വില് 15-10ന് അവര് സെറ്റും ഫൈനല് ടിക്കറ്റും സ്വന്തമാക്കി.
പ്രതികരിക്കാൻ ഇവിടെ എഴുതുക: