ഗജവീരന്‍ ചെര്‍പ്പുളശ്ശേരി അയ്യപ്പന്‍ ചെരിഞ്ഞു; മണ്‍മറഞ്ഞത് കേരളത്തിലെ ഉത്സവഎഴുന്നെള്ളിപ്പുകളിലെ നിറസാന്നിധ്യം

പാലക്കാട്: ഗജവീരൻ ചെർപ്പുളശ്ശേരി അയ്യപ്പൻ ചരിഞ്ഞു. അവസാന നാളുകളില്‍ ശാരീരിക അവശത മൂലം  54 വയസ്സുള്ള ചെർപ്പുളശ്ശേരി അയ്യപ്പൻ ചികിത്സയിലായിരുന്നു.ചികിത്സയിലായിരുന്നു.  

വെള്ളിയാഴ്ച ഉച്ചയോടെ രോഗം  കലശലായി.  തൃശൂരിൽനിന്നെത്തിയ ഡോക്ടർമാരുടെ ചികിത്സയിലായിരുന്നു. വെള്ളിയാഴ്ച രാത്രി എട്ടരയോടെ ചെരിഞ്ഞു. തൃശൂർപൂരം ഉൾപ്പെടെ കേരളത്തിലെയും പുറംസംസ്ഥാനങ്ങളിലെയും ഉത്സവ എഴുന്നള്ളിപ്പുകളില്‍ നിറസ്സാന്നിധ്യമായിരുന്നു.  

ചെർപ്പുളശ്ശേരി ‘രാജപ്രഭ’ വീട്ടിൽ പ്രഭാവതിയാണ് ഉടമസ. കൊല്ലം ഷാജിയാണ്  ബിഹാറിൽനിന്ന് , ചെര്‍പ്പുളശേരി അയ്യപ്പനെ കേരളത്തിലെത്തിച്ചത്. ഗജവീരന്റെ സര്‍വ്വലക്ഷണങ്ങളും ഒത്തിണങ്ങിയ ആനയെ 14 വർഷംമുമ്പാണ് ചെർപ്പുളശ്ശേരിയിലെ ഉടമയിലേക്ക് എത്തിയത്.  

രണ്ടാഴ്ചമുൻപ് എറണാകുളം ശിവക്ഷേത്രത്തിലെ ഉത്സവത്തിനാണ് അവസാനമായി എഴുന്നള്ളിച്ചത്.