കോഴിക്കോട്: ഇന്ത്യ ആദ്യമായി ആതിഥേയത്വം വഹിക്കുന്ന 25-ാമത് ലോക ഫൂട്ട് വോളി ചാംപ്യന്ഷിപ്പിന് കോഴിക്കോട് ബീച്ചില് തുടക്കമായി.മൂന്നു ദിവസം നീണ്ടു നില്ക്കുന്ന ചാംപ്യന്ഷിപ്പില് ഇന്ത്യയില് നിന്നുള്ള നാല് ടീമുകളടക്കം 12 ടീമുകളാണ് ഏറ്റുമുട്ടുന്നത്.
മേയര് ഡോ. ബീന ഫിലിപ്പ് ഉദ്ഘാടനം ചെയ്തു. ചാംപ്യന്ഷിപ്പ് ഓര്ഗ നൈസിംഗ് സെക്രട്ടറി ഏ.കെ. മുഹമ്മദ് അഷ്റഫ് റിപ്പോര്ട്ട് അവതരിപ്പിച്ചു. എഡിഎം സി. മുഹമ്മദ് റഫീഖ് അധ്യക്ഷത വഹിച്ചു. ഫുട് വോളി വേള്ഡ് വൈഡ് സെക്രട്ടറി ജനറല് അഫ്ഗാന് അംദ്ജേജ് ഹജി (അസര്ബൈജാന്), ഇന്ത്യന് ഫുട് വോളി അസോസിയേഷന് പ്രസിഡന്റ് രാം അവ്താര്, നേപ്പാള് മേയര് പ്രകാശ് അധികാരി, കോര്പ്പറേഷന് കൗണ്സിലര് റംലത്ത്, സ്പോര്ട്സ് കൗണ്സില് പ്രസിഡന്റ് ഒ. രാജഗോപാല്, കെ.വി. അബ്ദുള് മജീദ്, എം. മുജീബുറഹ്മാന്, ടി.എം. അബ്ദുറഹ്മാന് മാസ്റ്റര്, കെന്സ ബാബു പാലക്കണ്ടി, അസീം വെളിമണ്ണ, സി.പി.എ. റഷീദ്, എം.എ. സാജിദ് എന്നിവര് സംസാരിച്ചു. വൈസ് ചെയര്മാന് സുബൈര് കൊളക്കാടന് സ്വാഗതവും ഡയറക്ടര് ആര്. ജയന്ത് കുമാര് നന്ദിയും പറഞ്ഞു. ചടങ്ങില് ടൂര്ണമെന്റ് ലോഗോ ഡിസൈന് ചെയ്ത അസ്ലം തിരൂരിന് മേയര് ഉപഹാരം നല്കി.
ഉദ്ഘാടനത്തിന് മുന്നോടിയായി കോര്പ്പറേഷന് ഓഫീസിന് മുന്നില് നിന്ന് വര്ണശബളമായ ഘോഷയാത്രയും നടന്നു. ഇന്നലെ നടന്ന ആദ്യ മത്സരത്തില് ഫ്രാന്സ് നേരിട്ടുള്ള സെറ്റുകള്ക്ക് വിയ്റ്റനാമിനെ പരാജയപ്പെടുത്തി. രണ്ടാം കളിയില് റുമാനിയ നേപ്പാളിനെയും യുഎഇ ബംഗ്ലാദേശിനെയും തോല്പ്പിച്ചു.
