തിരുവനന്തപുരം : ശമ്പള കുടിശ്ശിക വിവാദങ്ങള്ക്ക് പിന്നാല ജീവനക്കാര്ക്ക് ശമ്പളവും ആനുകൂല്യങ്ങളും നല്കാന് പണമില്ലെന്ന് ആരോപണവുമായി യുവജനക്ഷേമ കമ്മീഷന്. ജീവനക്കാര്ക്ക് ശമ്പള കുടിശ്ശിക നല്കണമെന്നാവശ്യപ്പെട്ട് യുവജന കമ്മിഷന് അധ്യക്ഷ ചിന്ത ജെറോം ധനകാര്യ വകുപ്പിന് കത്തയച്ചു.
ജീവനക്കാരുടെ ശമ്പളത്തിനും മറ്റ് ആനുകൂല്യങ്ങള്ക്കുമായി 26 ലക്ഷം രൂപ അനുവദിക്കണമെന്നാണ് ചിന്ത ജെറോം ആവശ്യപ്പെട്ടിരിക്കുന്നത്. ഇതില് 18 ലക്ഷം രൂപ സര്ക്കാര് അനുവദിച്ചിട്ടുണ്ട്. ചിന്തയുടെ ശമ്പള കുടിശിക അടക്കമുള്ള പണമാണ് ആവശ്യപ്പെട്ടത്. കഴിഞ്ഞ ബജറ്റില് യുവജന കമ്മീഷന് അനുവദിച്ചത് 76.06 ലക്ഷം രൂപയാണ്. ഇത് തികയാതെ വന്നതിനാല് ഡിസംബറില് 9 ലക്ഷം വീണ്ടും അനുവദിച്ചിരുന്നു. ഇതിനെല്ലാം പുറമെയാണ് 18 ലക്ഷം വീണ്ടും അനുവദിച്ചിരിക്കുന്നത്.
2022-23 സാമ്പത്തിക വര്ഷത്തേക്കുള്ള പ്രവര്ത്തനത്തില് ഇതുവരെ 1.03 കോടി രൂപയിലധികം യുവജന കമ്മിഷനായി സര്ക്കാര് നല്കിയിട്ടുണ്ട്. അതിനു പിന്നാലെയാണ് വീണ്ടും ഫണ്ടിനായി യുവജന കമ്മിഷന് ധന വകുപ്പിനെ സമീപിച്ചിരിക്കുന്നത്. സംസ്ഥാനം സാമ്പത്തിക പ്രതിസന്ധിയിലാണെന്നാണ് പറയുന്നത്. ഇതിനെ തുടര്ന്ന് 10 ലക്ഷം രൂപയിലധികം തുകയുള്ള ബില്ലുകള് ട്രഷറി വഴി മാറുന്നതിന് ധനകാര്യ വകുപ്പിന്റെ അനുമതി തേടണമെന്ന് സര്ക്കുലര് ഇറക്കിയിട്ടുണ്ട്. ഈ ഘട്ടത്തിലാണ് യുവജന കമ്മീഷന് വീണ്ടും ഫണ്ടിനായി സമീപിച്ചിരിക്കുന്നത്.
