പത്തനംതിട്ട: ഗൂണ്ടാസംഘങ്ങളുടെ പ്രതികാരത്തിന്റെ ഭാഗമായി കാപ്പ കേസ് പ്രതിയുടെ അമ്മയെ വീട്ടില് കയറി എതിര്സംഘം വെട്ടിക്കൊന്നു. പത്തനംതിട്ട ഒഴിവുപാറയിലാണ് സംഭവം. വടക്കെ ചെരിവില് സുജാതയാണ് മരിച്ചത്. 55 വയസായിരുന്നു. മക്കളോടുള്ള പകവീട്ടുന്നതിനായാണ് അക്രമിസംഘം ഇന്നലെ രാത്രി വീട്ടിലെത്തിയത്. ഈ സമയത്ത് മക്കളായ സൂര്യലാലും ചന്ദ്രലാലും വിട്ടില് ഇല്ലായിരുന്നു. മുഖം മൂടി ധരിച്ചെത്തിയ സംഘം വീട്ടമ്മയെ കമ്പികൊണ്ട് തലയ്ക്കടിക്കുകയും കല്ല്് എറിയുകയും ചെയ്തിരുന്നു. സാരമായി പരിക്കേറ്റ ഇവരെ കോട്ടയം മെഡിക്കല് കോളജില് എത്തിച്ചെങ്കിലും ഇന്ന് ഉച്ചയോടെ മരിച്ചു.
കതക് പൊളിച്ച് വീട്ടിലെത്തിയ അക്രമി സംഘം വീട് തകര്ക്കുകയും വീട്ടുസാധനങ്ങള് മുറ്റത്തെ കിണറില് വലിച്ചെറിയുകയും ചെയ്തു. മക്കളായ സൂര്യലാലും ചന്ദ്രലാലും നിരവധി കേസുകളില് പ്രതികളാണ്. സൂര്യലാലിനെതിരെ പൊലീസ് കാപ്പ ചുമത്തിയിരുന്നു. ഗുണ്ടാ സംഘങ്ങള് തമ്മിലുള്ള കുടിപ്പകയാണ് അക്രമത്തിന് കാരണമെന്നാണ് പൊലീസിന്റെ നിഗമനം. ദിവസങ്ങള്ക്ക് മുന്പ് മണ്ണെടപ്പുമായി ബന്ധപ്പെട്ട് ഇരുസംഘങ്ങള് ഏറ്റുമുട്ടിയിരുന്നു.
