ബെംഗളൂരു : ലൈഫ് മിഷന്‍ കോഴക്കേസ് ശിവശങ്കറിന്റെ അറസ്റ്റുകൊണ്ടുമാത്രം അവസാനിക്കുന്നില്ല. ഇതുമായി പങ്കാളിത്തമുള്ള എല്ലാവരേയും നിയമത്തിന് മുന്നില്‍ കൊണുവരുമെന്ന് സ്വപ്‌ന സുരേഷ്. ശിവശങ്കറിനെ എന്‍ഫോഴ്‌സ്‌മെന്റ് അറസ്റ്റ് ചെയ്തതിന് പിന്നാലെ മാധ്യമ പ്രവര്‍ത്തകരോട് പ്രതികരിക്കുകയായിരുന്നു അവര്‍.
കേസിന്റെ അടിത്തട്ടില്‍ കിടക്കുന്ന എല്ലാ വലിയ സ്രാവുകളേയും പുറത്തുകൊണ്ടുവരും. കേരളം മുഴുവന്‍ വിറ്റ് തുലയ്‌ക്കാന്‍ ഇറങ്ങി തിരിച്ച വ്യക്തയാണ് മുഖ്യമന്ത്രി. അദ്ദേഹത്തിന്റെ ഭാര്യയും മകളും മകനും ഇതിന് പിന്നിലുണ്ട്. തനിക്ക് ജയിലില്‍ കിടക്കേണ്ടി വന്നാലും കേസിന്റെ പിന്നിലുള്ള എല്ലാവരെയും നിയമത്തിന് മുന്നില്‍ കൊണ്ടുവരും.
കേസില്‍ തനിക്ക് ജയിലില്‍ പോകേണ്ടി വന്നാല്‍ തന്റെയൊപ്പം ശിവശങ്കറും മുഖ്യമന്ത്രിയുമടക്കം എല്ലാവരും കാണും. വാട്ട്സ്ആപ്പ് സന്ദേശങ്ങള്‍ ഉള്‍പ്പടെ ഇവര്‍ക്കെതിരെയുള്ള എല്ലാ തെളിവുകളും താന്‍ അന്വേഷണ ഏജന്‍സിക്ക് കൈമാറിയിട്ടുണ്ട്. അതിനുശേഷമാണ് ശിവശങ്കറിനെ അറസ്റ്റ് ചെയ്തിരിക്കുന്നത്. ഇതില്‍ മാത്രം അന്വേഷണം ഒതുങ്ങുന്നില്ല. സി.എം രവീന്ദ്രനെയും അന്വേഷണ ഉദ്യോഗസ്ഥര്‍ ചോദ്യം ചെയ്യണം. മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറിയായ പ്രവര്‍ത്തിക്കുന്ന സി.എം രവീന്ദ്രനെ ചോദ്യം ചെയ്യാന്‍ പലതവണ വിളിപ്പിച്ചെങ്കിലും അതില്‍ നിന്നെല്ലാം അദ്ദേഹം ഒഴിഞ്ഞുമാറി’.
‘രവീന്ദ്രനെ ചോദ്യം ചെയ്താല്‍ ഒരുപാട് കാര്യങ്ങള്‍ പുറത്തു വരും. മുഖ്യമന്ത്രിയുടെ ഭാര്യ കമലയ്‌ക്കും മകള്‍ വീണയ്‌ക്കും മകനും കേസില്‍ പങ്കുണ്ട്. യുഎഇ കേന്ദ്രീകരിച്ച് ഇടപാട് നടത്തുന്നത് മകള്‍ വീണ. ഇവരുടെയല്ലാം പങ്ക് പുറത്തു വരണമെങ്കില്‍ രവീന്ദ്രനെ ചോദ്യം ചെയ്യണം. മുഖ്യമന്ത്രിക്ക് വേണ്ടി ശിവശങ്കര്‍ ബാഗ് കൊണ്ടുപോയിട്ടുണ്ടെന്ന് അദ്ദേഹം തന്നെ വെളിപ്പെടുത്തിയിട്ടുണ്ട്. ശിവശങ്കര്‍ ഒളിച്ചു കളിക്കാതെ വായ തുറന്ന് എല്ലാം പറയണം. ബിരിയാണി ചെമ്പുകളും കടത്തിയിട്ടുണ്ട്. ഇതിന്റെയെല്ലാം ഉത്തരം എല്ലാവരും പറയണം. സത്യം പുറത്തു കൊണ്ടുവരാന്‍ ഞാന്‍ പോരാടും. ഇഡിയുടെ അന്വേഷണം ശരിയായ പാതയിലാണ്. ഒരു ചെറിയ പ്രതീക്ഷ വരുന്നുണ്ടെന്നും സ്ംവപ്‌ന സുരേഷ് കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: