കൊച്ചി:മലാബര് കലാപത്തിന്റെ സത്യം പുറത്തുകൊണ്ടുവരുന്ന ‘1921 പുഴ മുതൽ പുഴ വരെ’ എന്ന രാമസിംഹന് (പഴയ അക്ബര് അലി) സംവിധാനം ചെയ്ത സിനിമയ്ക്ക് ഒടുവില് സെന്സര്ബോര്ഡ് പ്രദര്ശനാനുമതി നല്കിയതില് സന്തോഷം പ്രകടിപ്പിച്ച് ടി.ജി. മോഹന്ദാസ്.
അദ്ദേഹം ഈ സന്തോഷം സെന്സര്ബോര്ഡ് നല്കിയ സര്ട്ടിഫിക്കറ്റ് അടക്കമാണ് ട്വിറ്ററില് പങ്കുവെച്ചത് :
:”ഒടുവിൽ ആ സർട്ടിഫിക്കറ്റ് കിട്ടി ???? ഹിന്ദു സർക്കാരിന്റെ കാലത്ത്, ഒരു ഹിന്ദു, യുദ്ധം ചെയ്ത് പരിക്കുകളോടെ നേടിയ സർട്ടിഫിക്കറ്റ്!! 1921 പുഴ മുതൽ പുഴ വരെ!!”.
അതിക്രൂരമായ കട്ടുകളാണ് സെന്സര് ബോര്ഡ് നിര്ദേശിച്ചത്. എങ്കിലും 186 മിനിറ്റ് ദൈര്ഘ്യമുള്ലതാണ് ഈ സിനിമ.. എ സര്ട്ടിഫിക്കറ്റാണ് സിനിമയ്ക്ക് നല്കിയിരിക്കുന്നത്. 18 വയസ്സ് തികഞ്ഞവര്ക്ക് മാത്രമാണ് സിനിമ കാണാനാവുക.
സിനിമ തിയറ്ററില് വൈകാതെ എത്തുമെന്നറിയിച്ച് കഴിഞ്ഞ ദിവസം രാമസിംഹര് ട്വിറ്ററില് ഒരു സന്ദേശം പങ്കുവെച്ചിരുന്നു: “തൂവൂരിലെ കിണറിലും, നാഗാളികാവിലെ കിണറിലും അന്തിയുറങ്ങുന്നവർക്കുള്ള ബലിച്ചോർ..അതാണ് പുഴമുതൽ പുഴവരെ…നിങ്ങളുടെ പൂർവ്വികരുടെ രോദനം..അത്രമാത്രം കരുതിയാൽ മതി..ഒരുരുള ചോറ്..ആ ആത്മാക്കൾക്ക്…”
ചിത്രത്തിന് പത്ര പരസ്യമോ ചാനൽ പരസ്യമോ ഉണ്ടാവില്ലെന്നും രാമസിംഹന് നേരത്തെ അറിയിച്ചിരുന്നു. “ഇത് ജനങ്ങളുടെ സിനിമ,അവർ പരസ്യക്കാരായി മാറും കാരണം അവരാണിത് നിർമിച്ചത്.. അവർ വിതച്ചത് അവർ കൊയ്യും. അവനവന്റെ ധർമ്മം..അതാണ്…മമധർമ്മ”- അദ്ദേഹം ട്വിറ്ററില് കുറിച്ചു.
