തിരുവനന്തപുരം : സഭയെ അറിയിക്കാതെ വെള്ളക്കരം വര്ധിപ്പിച്ച വിഷയത്തില് ജലവിഭവ വകുപ്പ് മന്ത്രി റോഷി അഗസ്റ്റിനെതിരെ സ്പീക്കറുടെ റൂളിങ്. വെള്ളക്കരം വര്ധിപ്പിച്ച കാര്യം ആദ്യം പ്രഖ്യാപിക്കേണ്ടിയിരുന്നത് നിയമസഭയിലായിരുന്നുവെന്ന് സ്പീക്കര് എ.എന്.ഷംസീര് വ്യക്തമാക്കി. ചട്ടം 303 പ്രകാരം എ.പി.അനില്കുമാര് ഉന്നയിച്ച ക്രമപ്രശ്നത്തിലായിരുന്നു സ്പീക്കറുടെ ഈ നടപടി.
വൈദ്യുതി നിരക്കിന് പിന്നാലെ ജലത്തിനുള്ള നിരക്കും വര്ധിപ്പിച്ചതില് പ്രതിപക്ഷം പ്രതിഷേധം ഉന്നയിച്ചിരുന്നു. എന്നാല് നയപരമായ കാര്യങ്ങളില് സര്ക്കാര് അന്തിമതീരുമാനം കൈക്കൊള്ളുമ്പോള് സഭാ സമ്മേളന കാലയളവിലാണെങ്കില് അക്കാര്യം ആദ്യം സഭയില് തന്നെ പ്രഖ്യാപിക്കണമെന്നതാണ് കീഴ്വഴക്കം. എന്നാല് മന്ത്രിയുടെ ഭാഗത്തു നിന്നും ഇത്തരത്തില് ഒരു നടപടിയുണ്ടായില്ലെന്നും വിമര്ശിച്ചു.
സംസ്ഥാനത്ത് വര്ഷങ്ങളായി നിലനിന്നിരുന്ന വെള്ളക്കരം നിരക്ക് വര്ധിപ്പിക്കുന്നതു സംബന്ധിച്ച് ഔദ്യോഗിക തലത്തിലുള്ള നടപടിക്രമങ്ങള് പൂര്ത്തീകരിച്ച് അന്തിമ ഉത്തരവ് പുറപ്പെടുവിച്ചത് ഭരണപരമായ നടപടി ആണെങ്കില് പോലും ഇത് സംസ്ഥാനത്തെ എല്ലാ വിഭാഗങ്ങളേയും ബാധിക്കുന്ന ഒരു തീരുമാനം കൂടിയാണ്. അതിനാല് ഇക്കാര്യം സഭയില് പ്രഖ്യാപിച്ചിരുന്നെങ്കില് അത് ഉത്തമമായ ഒരു മാതൃക ആയേനെ എന്നും സ്പീക്കര് പറഞ്ഞു. ഭാവിയില് ഇക്കാര്യം ശ്രദ്ധ ചെലുത്തണമെന്നും സ്പീക്കര് ആവശ്യപ്പെട്ടു.
അതേസമയം ഒട്ടേറെ നടപടിക്രമങ്ങള്ക്കു ശേഷമാണ് വെള്ളക്കരം വര്ധിപ്പിക്കുന്നത്. സര്ക്കാരിന്റെ നയപരമായ തീരുമാനമല്ലെന്നും മന്ത്രി റോഷി അഗസ്റ്റിന് സഭയില് പ്രതികരിച്ചത്.
