ന്യൂദല്ഹി: ഇന്ത്യയിലെ ബാങ്കുകളില് അദാനി ഗ്രൂപ്പ് കമ്പനികളുടെ വായ്പ അര്ഹമായ പരിധിക്കുള്ളിലാണെന്നും ഇന്ത്യയില ബാങ്കുകളെല്ലാം നല്ല ആരോഗ്യനിലയിലാണെന്നും ധനമന്ത്രി നിര്മ്മല സീതാരാമന്.
അദാനി ഗ്രൂപ്പും ന്യൂയോര്ക്ക് കേന്ദ്രമായുള്ള ഷോര്ട്ട് സെല്ലറാണ് ഹിന്ഡന് ബര്ഗും തമ്മിലുള്ള വാഗ്വാദം ഇന്ത്യന് ബാങ്കുകളെ ബാധിക്കില്ല. എസ് ബിഐയുെം എല് ഐസിയും കൂടുതലായി വായ്പ നല്കിയിട്ടില്. ഇവര്ക്ക് അദാനി കമ്പനികളിലുള്ള നിക്ഷേപം അനുവദനീയമായ നിലവാരത്തിനുള്ളിലാണ്. അദാനി ഒാഹരികളുടെ വില ഇടിയുന്നെങ്കിലും ഈ കമ്പനികളുടെ ഓഹരികളെല്ലാം ഇപ്പോഴും ലാഭത്തിലാണെന്നും വിദഗ്ധര് അഭിപ്രായപ്പെട്ടതായി നിര്മ്മല സീതാരാമന് അറിയിച്ചു.
നേരത്തെ ഇരട്ട ബാലന്സ് ഷീറ്റ് പ്രശ്നത്തിലൂടെ കടന്നുപോയിക്കൊണ്ടിരുന്ന ഇന്ത്യയിലെ ബാങ്കിംഗ് സംവിധാനം ഇപ്പോള് ആശ്വാസകരമായ നിലയിലാണ്. കിട്ടാക്കടങ്ങള് കുറഞ്ഞു. സ്ഥൂല സാമ്പത്തിക ശാസ്ത്രപ്രകാരമുള്ള വിശകലനത്തില് ഇന്ത്യന് ബാങ്കുകളുടെ നില ആരോഗ്യത്തെ പ്രതിഫലിപ്പിക്കുന്നു. – നിര്മ്മല സീതാരാമന് പറഞ്ഞു.
