ന്യൂദല്‍ഹി: ഉറക്കത്തിലും മോദി വിരുദ്ധത പറയുന്ന ജേണലിസ്റ്റ് ശ്രീനിവാസന്‍ ജെയിനും എന്ഡിടിവി വിടുന്നു.
അദാനി ഗ്രൂപ്പ് എന്‍ഡിടിവിയുടെ ഉടമസ്ഥാവകാശത്തില്‍ പിടിമുറുക്കിയതോടെ ആദ്യം എന്‍ഡിടിവിയുടെ സ്ഥാപകനും ഉടമകളില്‍ ഒരാളുമായ ജേണലിസ്റ്റ് പ്രണോയ് റോയിയും ഭാര്യയും പടിയിറങ്ങിയിരുന്നു. അതിന് പിന്നാലെയാണ് ശ്രീനിവാസന്‍ ജെയിനും എന്ഡിടിവി വിടുന്നത്. കോവിഡിനെതിരെ വാക്സിന്‍ നിര്‍മ്മിച്ച് മുന്നേറുന്ന ഇന്ത്യയെ പിന്നോട്ട് വലിക്കുന്ന ഒട്ടേറെ റിപ്പോര്‍ട്ടുകള്‍ ശ്രീനിവാസന്‍ ജെയിന്‍ നല്‍കിയിരുന്നു.
മൂന്ന് പതിറ്റാണ്ടോളം ജോലി ചെയ്ത ശേഷം താന്‍ എന്ഡിടിവി വിടുകയാണെന്ന് ട്വിറ്ററില്‍ പങ്കുവെച്ച കുറിപ്പില്‍ ശ്രീനിവാസന്‍ ജെയിന്‍ പറയുന്നു. ജേണലിസ്റ്റ് രവീഷ് കുമാറും എന്ഡിടിവി ഗ്രൂപ്പ് പ്രസിഡന്റ് സുപര്‍ണ്ണ സിങ്ങും ഈയിടെ എന്ഡിടിവി വിട്ടിരുന്നു.
പ്രതികരിക്കാൻ ഇവിടെ എഴുതുക: