ന്യൂദല്ഹി: ശ്രീരാമന് സീതയോടൊപ്പം എല്ലാ വൈകുന്നേരങ്ങളിലും വൈന് കഴിച്ചിരുന്നതായി വാല്മീകി രാമായണത്തില് പരാമര്ശമുണ്ടെന്ന വിവാദ പരാമര്ശവുമായി യുക്തി വാദി കെ.എസ്. ഭഗ് വാന്. രാമയണത്തിലെ ഉത്തരകാണ്ഠത്തിലാണ് ഈ പരാമര്ശമെന്നും കെ.എസ്. ഭഗ് വാന് അവകാശപ്പെടുന്നു.
വൈകുന്നേരങ്ങളില് രാമന്റെ പ്രധാന പരിപാടി തന്നെ സീതയോടൊപ്പമിരുന്ന് വൈന് കഴിക്കലാണ്. ഇതാണ് രേഖകളില് പറയുന്നത്. – കര്ണ്ണാടകത്തിലെ മാണ്ഡ്യയില് പ്രസംഗിക്കുകയായിരുന്നു കെ.എസ്. ഭഗ് വാന്.
ഭഗവാന് ശ്രീരാമനെതിരെ ഇതാദ്യമായല്ല കെ.എസ്. ഭഗ് വാന് വിവാദ പരാമര്ശങ്ങള് നടത്തിയത്. ലഹരി പാനീയങ്ങള് പതിവായി രാമന് ഉപയോഗിച്ചിരുന്നെന്നും സീതയെക്കൊണ്ട് അത് കുടിപ്പിച്ചിരുന്നെന്നും കെ.എസ്. ഭഗവാന് നേരത്തെ പറഞ്ഞിരുന്നു. രാമ മന്ദിര യാകെ ബേഡ എന്ന പുസ്തകത്തിലാണ് ഇത്തരം പരാമര്ശങ്ങള് നടത്തിയത്.
ഈ വിവാദപരാമര്ശങ്ങള്ക്കെതിരെ ഹിന്ദു സംഘടനകള് ശക്തമായി പ്രതിഷേധിച്ചു.
