തിരുവനന്തപുരം : കേരളാ പോലീസില്‍ വീണ്ടും അച്ചടക്ക നടപടി. ഗുണ്ടാ ബന്ധങ്ങളുണ്ടായിരുന്ന ഡിവൈഎസ്പിമാര്‍ക്കെതിരെയാണ് നടപടി. കെ.ജെ.ജോണ്‍സണ്‍, പ്രസാദ് എന്നിവരെയാണ് അന്വേഷണ വിധേയമായി സസ്‌പെന്‍ഡ് ചെയ്തത്.
ഷാരോണ്‍ കേസിലെ അന്വേഷണ ഉദ്യോഗസ്ഥനായിരുന്നു ജോണ്‍സണ്‍ ഇപ്പോള്‍ തിരുവനന്തപുരം റൂറല്‍ ജില്ലാ ക്രൈം ബ്രാഞ്ച് ഡിവൈഎസ്പിയാണ്. എം. പ്രസാദ് വിജിലിന്‍സ് ഡിവൈഎസ്പിയുമാണ്. ഇരുവരും ഗുണ്ടകളായ നിധിന്‍, രഞ്ജിത്ത് എന്നിവര്‍ തമ്മിലുള്ള സാമ്പത്തിക തര്‍ക്കം പരിഹരിക്കാന്‍ മധ്യസ്ഥത നിന്നു. ഗുണ്ടകള്‍ സംഘടിപ്പിക്കുന്ന മദ്യപാന പാര്‍ട്ടികളിലെ സ്ഥിരം സാന്നിധ്യമാണെന്നും കണ്ടെത്തിയിരുന്നു. ആഭ്യന്തര വകുപ്പ് റിപ്പോര്‍ട്ടിന്റെ അടിസ്ഥാനത്തിലാണ് നടപടി.
ക്രിമിനല്‍ പശ്ചാത്തലമുള്ളവരെ പോലീസ് സേനയില്‍ തുടരാന്‍ അനുവദിക്കില്ലെന്ന് നേരത്തെ വ്യക്തമാക്കിയിട്ടുള്ളതാണ്. ഇതിന് മുമ്പ് നിരവധി ക്രിമിനല്‍ കേസുകളില്‍ പ്രതിയായ ഇന്‍സ്‌പെക്ടര്‍ പി.ആര്‍. സുനുവിനെ പോലീസ് സേനയില്‍ നിന്നും പിരിച്ചുവിടുകയും, പോക്‌സോ കേസില്‍ പ്രതിയായ അയിരൂര്‍ എസ്എച്ച്ഒ ജയസനിലിന് കാരണം കാണിക്കല്‍ നോട്ടീസും നല്‍കിയിട്ടുണ്ട്.
പ്രതികരിക്കാൻ ഇവിടെ എഴുതുക: