ഡെറാഡൂണ്‍: ഉത്തരാഖണ്ഡിലെ ജോഷിമഠ് ഒട്ടും സുരക്ഷിതമല്ലെന്ന് ദുരന്തനിവാരണ സെക്രട്ടറി ആര്‍.കെ.സിന്‍ഹ. ഉരുള്‍പൊട്ടല്‍ മണ്ണിടിച്ചിലല്‍ പ്രതിസന്ധി നേരിടുന്ന സ്ഥലമാണ് ജോഷിമഠിലെ നാല് വാര്‍ഡുകള്‍. ഇവിടം ഒട്ടും സുരക്ഷിതമല്ലെന്ന് ഇന്ന് ഡെറാഡൂണില്‍ നടത്തിയ വാര്‍ത്താ സമ്മേളനത്തില്‍ അദേഹം വ്യക്തമാക്കി.
ബാക്കിയുള്ള വാര്‍ഡുകളെ ഭാഗികമായി ബാധിച്ചതായി കണ്ടെത്തി. ജോഷിമഠത്തിലും പരിസരങ്ങളിലും മണ്ണിടിച്ചിലിന്റെ കാരണങ്ങളും വ്യാപ്തിയും സംബന്ധിച്ച് നടന്നുകൊണ്ടിരിക്കുന്ന അന്വേഷണത്തില്‍ പല സംഘടനകളും ഉള്‍പ്പെട്ടിട്ടുണ്ട്. അന്തിമ റിപ്പോര്‍ട്ട് ഉടന്‍ കൊണ്ടുവരും. മഴ പ്രതീക്ഷിച്ച് മതിയായ തയ്യാറെടുപ്പുകള്‍ നടത്തിയിട്ടുണ്ടെന്നും അദ്ദേഹം പറഞ്ഞു.
ദുരിതബാധിതരായ കുടുംബങ്ങളെ ഷെല്‍ട്ടര്‍ ഹോമുകളിലേക്ക് മാറ്റിയിട്ടുണ്ടെന്നും ഒരാഴ്ചയ്‌ക്കകം മാതൃകാ ഹട്ടുകള്‍ സജ്ജമാകും. ജോഷിമഠിലെ നിരവധി വീടുകളില്‍ വിള്ളലുകള്‍ വീണതിനെ തുടര്‍ന്ന് നൂറുകണക്കിന് താമസക്കാരെ സുരക്ഷിത സ്ഥാനങ്ങളിലുള്ള ദുരിതാശ്വാസ കേന്ദ്രങ്ങളിലേക്ക് മാറ്റി. ജോഷിമഠിലെ ദുരിതബാധിതരായ കുടുംബങ്ങള്‍ക്ക് ഉത്തരാഖണ്ഡ് സര്‍ക്കാര്‍ കോടികളുടെ ദുരിതാശ്വാസ പാക്കേജുകള്‍ പ്രഖ്യാപിച്ചു.
പ്രതികരിക്കാൻ ഇവിടെ എഴുതുക: