മലപ്പുറം : എടപ്പാളിൽ സംസ്ഥാനത്തെ ഏറ്റവും വലിയ പാന്മസാലവേട്ട. രണ്ട് ലോറികളിലായി കടത്താന് ശ്രമിച്ച ഒന്നരലക്ഷം പാക്കറ്റ് പാന്മസാല എക്സൈസ് പിടികൂടി. എടപ്പാളിലെ ബിസ്കറ്റ് ഗോഡൗണിന്റെ മറവിലായിരുന്നു പാന്മസാല കൊണ്ടുവന്നത്. സംഭവത്തില് രമേഷ്, അലി, ഷമീര് എന്നിവരെ എക്സൈസ് അറസ്റ്റ് ചെയ്തു.
ബിസ്ക്കറ്റ് പാക്കറ്റിനുള്ളിലൊളിപ്പിച്ചാണ് നിരോധിത പുകയില ഉത്പന്നങ്ങള് കടത്തിയത്. ഇതിന് ഒന്നരക്കോടിയോളം രൂപ വിലവരും. എടപ്പാള് വട്ടംകുളത്തെ ഗോഡൗണില് ഇറക്കാന് ശ്രമിക്കുന്നതിനിടെയാണ് എക്സൈസ് ഉദ്യോഗസ്ഥര് എത്തിയത്. വാഹനങ്ങളും പിടിച്ചെടുത്തിട്ടുണ്ട്.
എക്സൈസ് ഉത്തരമേഖല കമ്മീഷണറുടെ സ്ക്വാഡാണ് പരിശോധന നടത്തിയത്. മലപ്പുറത്ത് പിടികൂടിയത് കേരളത്തിലെ ഏറ്റവും വലിയ നിരോധിത പുകയില വേട്ടയാണെന്ന് എക്സൈസ് അവകാശപ്പെട്ടു.
