തിരുവനന്തപുരം: ശ്രീലങ്കയ്‌ക്കെതിരെ മൂന്നാം ഏകദിനം കളിയ്‌ക്കാന്‍ തിരുവനന്തപുരത്തെത്തിയ ഇന്ത്യന്‍ ക്രിക്കറ്റ് ടീം ശ്രീ പത്മനാഭസ്വാമി ക്ഷേത്രം സന്ദര്‍ശിച്ചു. മൂന്നാം ഏകദിനത്തിന് മുന്നോടിയായാണ് ക്രിക്കറ്റ് ടീമിലെ ഒരു വിഭാഗം താരങ്ങള്‍ ശ്രീ പത്മാഭസ്വാമി ക്ഷേത്രത്തില്‍ എത്തിയത്.
ക്ഷേത്രം സന്ദര്‍ശിച്ച ഇന്ത്യന്‍ ടീമിലെ പ്രമുഖരായ സൂര്യകുമാര്‍, ചാഹല്‍, അക്സര്‍ പട്ടേല്‍, ശ്രേയസ് അയ്യര്‍, കുല്‍ദീപ് യാദവ്, വാഷിംഗ്ടണ്‍ സുന്ദര്‍ എന്നിവരെ ഫോട്ടോയില്‍ കാണാം. ഷര്‍ട്ട് ധരിയ്‌ക്കാതെ കസവ് മുണ്ട് ധരിച്ച (ചിലര്‍ രണ്ടാം മുണ്ട് പുതച്ചിട്ടുമുണ്ട്) താരങ്ങളുടെ ഫോട്ടോ സമൂഹമാധ്യമങ്ങളില്‍ വൈറലാണ്.
പ്രത്യേക ടൂറിസ്റ്റ് ബസിലാണ് താരങ്ങള്‍ ക്ഷേത്രത്തിന് മുന്നിലെത്തിയത്. ആദ്യ രണ്ട് ഏകദിനങ്ങള്‍ ജയിച്ച ഇന്ത്യയ്‌ക്ക് ഈ കളി നിര്‍ണ്ണായകമല്ല. ജയിച്ചാല്‍ ശ്രീലങ്കയ്‌ക്കെതിരെ 3-0 ലീഡ് നേടിയെന്ന് അഭിമാനിക്കാം.
