തിരുവനന്തപുരം: ഇത്രയേറെ കലോത്സവങ്ങളെ ഊട്ടിയുറക്കിയ ഒരാള്… ഇത്രയേറെ കുട്ടികള്ക്ക് ഭക്ഷണം വെച്ചുകൊടുത്ത ഒരാള്…. കോഴിക്കോട് കലോത്സവം ഉള്പ്പെടെ വലിയ വിജയമായി പൂര്ത്തിയാക്കാന് പണിയെടുത്ത ഒരാളെ ഇങ്ങിനെ വേദനപ്പിക്കേണ്ടതില്ല എന്ന അഭിപ്രായക്കാരാണ് ഞങ്ങളെന്ന് 24 ചാനലിന്റെ ശ്രീകണ്ഠന്നായര്. .
കോഴിക്കോടന് ബിരിയാണി സംസ്ഥാന സ്കൂള് യുവജനോത്സവത്തില് വിളമ്പളണമെന്ന് അഭിപ്രായപ്പെട്ട മുന് 24 ന്യൂസ് റിപ്പോര്ട്ടറായിരുന്ന അരുണ് കുമാറിന്റെ അഭിപ്രായത്തെ ശ്രീകണ്ഠന് നായര് പരസ്യമായി തള്ളിപ്പറയുകയും ചെയ്തു. ചാനലില് നേരിട്ട് വന്നാണ് ഭക്ഷണ വിവാദത്തില് ശ്രീകണ്ഠന് നായര് പഴയിടം മോഹനന് നമ്പൂതിരിയെ പിന്തുണ പ്രഖ്യാപിച്ചത്. ശ്രീകണ്ഠന് നായരുടെ ഈ വീഡിയോ ഇപ്പോള് വൈറലാണ്.
“പഴയിടം നമ്പൂതിരിയുമായി ബന്ധപ്പെട്ട വിവാദത്തില് 24 ചാനലിന് ബന്ധമില്ല. ഇത് സംബന്ധിച്ച് ഡോ. അരുണ്കുമാര് ഫേസ്ബുക്കില് എഴുതിയ പ്രസ്താവനയുമായി ചാനലിന് ഒരു ബന്ധവുമില്ല.” – ശ്രീകണ്ഠന് നായര് പറഞ്ഞു.
അരുണ് കുമാര് ഇപ്പോള് യൂണിവേഴ്സിറ്റിയിലെ സ്വതന്ത്ര അധ്യാപകനാണ്. അദ്ദേഹത്തിന് സ്വന്തം അഭിപ്രായങ്ങള് പറയാന് സ്വാതന്ത്ര്യമുണ്ട്. അരുണിന്റെ അഭിപ്രായത്തോട് 24 ചാനലിന് വിയോജിപ്പാണുള്ളത്.” – ശ്രീകണ്ഠന് നായര് പറഞ്ഞു.
“പഴയിടം നമ്പൂതിരിയുടെ വിവാദവുമായി ബന്ധപ്പെട്ട് പലരും 24ചാനലിന് ബന്ധമുണ്ടോ എന്ന് ചോദിക്കുന്നുണ്ട്. ഡോ. അരുണ്കുമാര് ഫേസ്ബുക്കില് എഴുതിയ പ്രസ്താവനയുമായി ബന്ധപ്പെട്ടതാണ് ഈ ചോദ്യങ്ങള്. എന്നാല് 24 ചാനലിന് അതുമായി ബന്ധമില്ല. പഴയിടം മോഹനനന് നമ്പൂതിരിയോട് അരുണ് കുമാര് എടുത്ത നിലപാട് ശരിയല്ലെന്നാണ് 24 ചാനലിന്റെ അഭിപ്രായം. ഇത്രയേറെ കലോത്സവങ്ങളെ ഊട്ടിയുറക്കിയ ഒരാള്, ഇത്രയേറെ കുട്ടികള്ക്ക് ഭക്ഷണം വെച്ചുകൊടുത്ത ഒരാള്, കോഴിക്കോട് കലോത്സവം ഉള്പ്പെടെ വലിയ വിജയമായി പൂര്ത്തിയാക്കാന് പണിയെടുത്ത ഒരാളെ ഇങ്ങിനെ വേദനപ്പിക്കേണ്ടതില്ല എന്ന അഭിപ്രായക്കാരാണ് ഞങ്ങള്. “- ശ്രീകണ്ഠന് നായര് പറഞ്ഞു.
24 ചാനലില് പ്രത്യക്ഷപ്പെട്ടുകൊണ്ടായിരുന്നു ശ്രീകണ്ഠന് നായരുടെ ഈ മാപ്പ് പറച്ചില്.
