അമിത് ചക്കാലക്കല്, അനു സിത്താര എന്നിവരെ പ്രധാന കഥാപാത്രങ്ങളാക്കി അജിത് വി തോമസ് സംവിധാനം ചെയ്യുന്ന ‘സന്തോഷം’ എന്ന ചിത്രത്തിലെ ആദ്യത്തെ വീഡിയോ ഗാനം റിലീസായി. വിനായക് ശശികുമാര് എഴുതിയ വരികള്ക്ക് ജയഹരി സംഗീതം പകര്ന്ന് കെ.എസ്. ഹരിശങ്കര് ആലപിച്ച ‘ സന്തോഷം, എന്. നെഞ്ചോരം…’ എന്നാരംഭിക്കുന്ന ഗാനമാണ് റിലീസായത്.
മീസ്- എന്- സീന് എന്റര്ടെയിന്മെന്റിന്റെ ബാനറില് ഇഷ പട്ടാലി, അജിത് വി തോമസ് എന്നിവര് ചേര്ന്ന് നിര്മ്മിക്കുന്ന ഈ ചിത്രത്തില് കലാഭവന് ഷാജോണ്, ഡോക്ടര് സുനീര്, മല്ലിക സുകുമാരന്, ആശ അരവിന്ദ്, ബേബി ലക്ഷ്മി തുടങ്ങിയ പ്രമുഖരും അഭിനയിക്കുന്നു.
കാര്ത്തിക് എ. ഛായാഗ്രാഹണം നിര്വ്വഹിക്കുന്നു. അര്ജുന് ടി സത്യന് തിരക്കഥ സംഭാഷണമെഴുതുന്നു. വിനായക് ശശികുമാറിന്റെ വരികള്ക്ക് പി.എസ്. ജയ്ഹരി സംഗീതം പകരുന്നു. എഡിറ്റര്- ജോണ്കുട്ടി, എക്സിക്യൂട്ടീവ് പ്രൊഡ്യൂസര്- ജോസഫ് സേവ്യര്, ചീഫ് അസോസിയേറ്റ് ഡയറക്ടര്- അഭിലാഷ് എം.യു., അസോസിയേറ്റ് ഡയറക്ടര്- റെനിറ്റ് രാജ്, വാര്ത്താ പ്രചരണം- എ.എസ്. ദിനേശ്.
