മാളികപ്പുറം എന്ന സിനിമ തിയറ്ററുകളില്‍ ബ്ലോക്ക് ബസ്റ്റര്‍ (സൂപ്പര്‍ വിജയം) ആയി മാറുകയാണെന്നും ഉണ്ണി മുകുന്ദന്‍ സൂപ്പര്‍ താരമായി ഉയരുകയാണെന്നും നടന്‍ അനൂപ് മേനോന്‍. മാളികപ്പുറത്തിന്റെ വിജയത്തില്‍ അനൂപ് മേനോനെ അഭിനന്ദിച്ച് പങ്കുവെച്ച ഫേസ്ബുക്ക് പോസ്റ്റിലാണ് അനൂപ് മേനോന്റെ പ്രതികരണം.
അചഞ്ചലമായ അർപ്പണബോധമുള്ള നടനാണ് ഉണ്ണി മുകുന്ദനെന്നും. മാളികപ്പുറത്തിന്റെ വിജയം ഉണ്ണി മുകുന്ദന്റെ മാത്രമല്ല, സിനിമ സ്വപ്നം കാണുന്ന എല്ലാ യുവാക്കളുടെയും വിജയമാണ് എന്നും അനൂപ് മോനോൻ കുറിച്ചു.
അനൂപ് മേനോന്റെ കുറിപ്പ് വായിക്കാം:
‘പ്രിയ ഉണ്ണി, നിന്റെ തു‌ടക്ക കാലങ്ങളിൽ നമ്മൾ ഒരുമിച്ച് രണ്ട് സിനിമകൾ ചെയ്തിട്ടുണ്ട്. സിനിമയോടുള്ള നിന്റെ അചഞ്ചലമായ അർപ്പണബോധം അടുത്തിടപഴുകുമ്പോൾ ഞാൻ കണ്ടിരുന്നു. ഒടുവിൽ “മാളികപ്പുറം” എന്ന മനോഹരമായ ചിത്രത്തിലൂടെ അത് സംഭവിച്ചു. ചിത്രം ബ്ലോക്ക്ബസ്റ്ററായി മാറുകയാണ്. ഈ വിജയം സൂപ്പർതാര പദവിയിലേക്കുള്ള ഒരു പടി മാത്രമല്ല. സിനിമയെ കൊതിക്കുകയും സ്വപ്നം കാണുകയും ചെയ്യുന്ന യാതൊരുവിധ സിനിമാ പശ്ചാത്തലവുമില്ലാത്ത ഓരോ പുതുമുഖങ്ങൾക്കും പ്രചോദനാത്മകമായ ഒരു കഥയാണ് നിന്‍റേത്’ .
2022 ഡിസംബർ 30-നാണ് ഉണ്ണി മുകുന്ദൻ നായകനായി എത്തിയ മാളികപ്പുറം റിലീസ് ചെയ്തത്. കല്യാണി എന്ന എട്ടു വയസ്സുകാരിയുടെയും അവളുടെ സൂപ്പർ ഹീറോ ആയ അയ്യപ്പന്റെയും കഥ പറയുന്ന ചിത്രം സംവിധാനം ചെയ്തിരിക്കുന്നത് നഗതനായ വിഷ്ണു ശശി ശങ്കറാണ്. എല്ലാ വെല്ലുവിളികളെയും അതിജീവിച്ച് കല്യാണി അയ്യപ്പ സന്നിധിയില്‍ എത്തിച്ചേരുകയാണ്. അഭിലാഷ് പിള്ളയാണ് തിരക്കഥ രചിച്ചത്. ശബരിമലയിലെ സ്ത്രീപ്രേവശനത്തെ എതിര്‍ക്കുന്ന സിനിമയാണ് എന്ന് വ്യാഖ്യാനിച്ച് ഈ ഉണ്ണിമുകുന്ദന്‍ സിനിമയ്‌ക്കെതിരെ ഡീഗ്രേഡിങ്ങ് ഒരു ഭാഗത്ത് നടക്കുന്നുവെങ്കിലും അതിനെയെല്ലാം അതിജീവിച്ച് മാളികപ്പുറം സൂപ്പര്‍ ഹിറ്റായിരിക്കുകയാണ്.
പ്രതികരിക്കാൻ ഇവിടെ എഴുതുക: