ബാങ്കോക്ക്: തായ്ലന്‍ഡില്‍ യുദ്ധക്കപ്പല്‍ ഉള്‍ക്കടലില്‍ മുങ്ങി. നാവികസേനയുടെ സുഖോതായി എന്ന യുദ്ധക്കപ്പലാണ് തായ്ലന്‍ഡ് ഉള്‍ക്കടലില്‍ മുങ്ങിയത്. 106 പേരാണ് കപ്പലില്‍ ഉണ്ടായിരുന്നത്. ഇതില്‍ 75 പേരെയും രക്ഷിച്ചു. 31 പേരെ കാണാതായി. ഇവരെ രക്ഷിക്കാനുള്ള ശ്രമങ്ങള്‍ നടത്തി വരികയാണ്.
മൂന്ന് യുദ്ധക്കപ്പലുകളും നിരവധി ഹെലികോപ്റ്ററുകളും രക്ഷാപ്രവര്‍ത്തനത്തില്‍ പങ്കെടുക്കുന്നുണ്ട്. അപകടം സംഭവിച്ചിട്ട് 12 മണിക്കൂറുകള്‍ പിന്നിട്ടെന്നും തായ്ലന്‍ഡ് നാവികസേനാ വക്താവ് പറഞ്ഞു.
കപ്പലിന്റെ ഇലക്ട്രിക് സംവിധാനം തകരാറിലാവുകയും പെട്ടന്ന് വൈദ്യുതി നിലയ്‌ക്കുകയും വെള്ളും കയറുകയുമായിരുന്നെന്ന് നാവികസേനാ വൃത്തങ്ങള്‍ അറിയിച്ചു. ചരിത്രത്തില്‍ ആദ്യമായാണ് ഇത്തരത്തില്‍ ഒരു സംഭവം. 1987 മുതല്‍ തായി നാവികസേന ഉപയോഗിക്കുന്ന അമേരിക്കന്‍ നിര്‍മിത യുദ്ധക്കപ്പലാണ് അപകടത്തില്‍പ്പെട്ടത്.
പ്രതികരിക്കാൻ ഇവിടെ എഴുതുക: