ശ്രീധരൻ പിള്ളയിലെ സാഹിത്യകാരനേ തിരിച്ചറിയാൻ അൽപ്പം വൈകി

പല കാര്യങ്ങളും നാം തിരിച്ചറിയുന്നത് വൈകിയാണ് . ചിലതിനെ കുറിച്ച് അറിവുണ്ടെങ്കിലും , തിരിച്ചറിവ് ഉണ്ടാവണം എന്നില്ല . പി.എസ്  ശ്രീധരൻ പിള്ള   എന്ന പ്രഗത്ഭനായ അഭിഭാഷകനേ  കേരളം പെട്ടന്ന് തന്നെ തിരിച്ചറിഞ്ഞു . ശ്രീധരൻ പിള്ളയെന്ന മിതത്ത്വം  പാലിക്കുന്ന രാഷ്‌ട്രീയ നേതാവിനെയും  കേരളം തിരിച്ചറിഞ്ഞു . ഇതേ ശ്രീധരൻ പിള്ള  ഒന്നും രണ്ടുമല്ല , 182  പുസ്തകങ്ങൾ രചിച്ചു എന്നെല്ലാവരും  അറിഞ്ഞു . എന്തുകൊണ്ടോ  അദ്ദേഹത്തിലെ സാഹിത്യകാരനേ  തിരിച്ചറിയാൻ അൽപ്പം വൈകി .

അത് അങ്ങനെയാണ്  . ഉള്ളൂർ   എന്ന് കേട്ടാൽ ‘ഉജ്ജ്വല ശബ്ദാഢ്യൻ     മഹാകവി എന്ന് മനസ്സിലാക്കും . എന്നാൽ  അന്നദ്ദേഹം അറിയപ്പെട്ടിരുന്നത്   ദിവാൻ പേഷ്കാർ എന്ന   നിലയിലാണ്  . മിൽട്ടൺ എന്നാൽ എല്ലാവർക്കും  അറിയാം . ഇംഗ്ലീഷിലെ മഹാകവി . പാരഡൈസ് ലോസ്റ്റും  പാര്ടിസ്റീപാരഡൈസ് റീ ഗെയ്ന്റും  എഴുതിയ അതുല്യ പ്രതിഭ . എന്നാൽ അന്ന്  അദ്ദേഹത്തിന്റെ  പ്രസക്തി    കോമൺ വെൽത്ത്  കൗൺസിലിൽ  സെക്രട്ടറി  എന്ന  നിലയിലായിരുന്നു . ഫ്രാൻസിസ് ബേകന്റെ  പ്രശസ്തി’ മഹാനും ബുദ്ധിമാനുമായ’   ജഡ്ജി  എന്ന നിലയിലായിരുന്നു . ഇന്ന് അദ്ദേഹം അറിയപ്പെടുന്നത്  അർത്ഥപൂർണ്ണമായ ഉപന്യാസങ്ങൾ വരും തലമുറയ്‌ക്ക് നൽകിയ സാഹിത്യ കാരൻ  ആയിട്ടാണ് . മലയാറ്റൂർ എന്ന് പറഞ്ഞാൽ  യന്ത്രവും വേരുകളും  അഞ്ചു സെന്റും പൊന്നിയും എഴുതിയ മഹാ സാഹിത്യകാരൻ  എന്ന്   എല്ലാവർക്കും  അറിയാം .   അദ്ദേഹം  തന്നെയായിരുന്നു റവന്യു  ബോർഡ്  മെമ്പറായിരുന്നു കെ വീ രാമകൃഷ്ണ അയ്യർ  ഐ എ എസ്  എന്ന് പറഞ്ഞാൽ വിശ്വസിക്കാൻ ആവുന്നില്ല അല്ലെ .

കാലത്തിൽ കാലുറപ്പിച്ച് കൊണ്ട് കാലത്തെ അതിജീവിക്കാൻ കലാകാരന് മാത്രമേ കഴിയു . വ്യാസനും , വാല്‌മീകിയും കാളിദാസനും ഇല്ലാത്ത ഭാരതത്തേയോ , ഷേക്ക് സ്പിയറും , യേറ്റ്‌സും  വേർഡ്‌സ്‌വർത്തും ഇല്ലാത്ത അംഗ ല ദേശത്തെയോ .  ഹോമറും അരിസ്റ്റോട്ടിലും , പ്ലേറ്റോയും ഇല്ലാത്ത  യവന ദേശത്തെയോ നമുക്ക് പൂർണ്ണതയോടെ നോക്കി  കാണാൻ ആവില്ല . രാജ്യത്തിൻറെ  ശ്രേയസ്സിനാവശ്യം  ഭരണകർത്താക്കളും , രാഷ്‌ട്രീയ നേതാക്കളും അഭിഭാഷകരും , വിദഗ്ധരും മാത്രമല്ല . നാടിന്റെ വളർച്ചയ്‌ക്ക് കലാകാരൻ മാറും സാഹിത്യകാരന്മാരും , സർഗ്ഗ പ്രതിഭകളും കൂടിയേ കഴിയു .

പ്ലേറ്റോ  ദാർശനികമായ രാജാവാണ് . ഭരിക്കാൻ ഉത്തമം എന്ന് പറയാറുണ്ട് . അറിയാതെ തന്നെ  ഗോവർണരും രാഷ്‌ട്രീയ നേതാവുമായ പി എസ ശ്രീധരൻ പിള്ള ഉത്തമം മാരുടെ സദസ്സിലേക്ക് ആനയിക്ക പ്പെട്ടിരിക്കയാണ് . ഹവേലും ,  ബെഞ്ചമിൻ ഡിസ്രേലി  , അടൽ ബിഹാരി വാജ്പേയി , എ .പി .ജെ  അബ്ദുൽ കലാം , സർ  വിൻസ്റ്റൺ ചർച്ചിൽ ,   എല്ലാവരും ഉൾകൊള്ളുന്ന സർഗ്ഗ ധനരായ ഭരണാധികാരികളുടെ ക്ലബിൽ കേരളീയനായ പി എസ് ശ്രീധരൻ പിള്ളയ്‌ക്കും ഇടം കിട്ടിയത് പ്രതിഭയുടെ മിന്നലാട്ടം ഉള്ളത് കൊണ്ടാണ് .  കഥയും കവിതയും ലേഖനങ്ങളും ഒക്കെ  ഈ കൈകളിൽ  വഴങ്ങും .  സാഹിത്യം പിള്ളകളിയല്ല  . എന്നാൽ  ഭാഷയും ആശയങ്ങളുമിട്ടമ്മാനമാടി  കളിയ്‌ക്കാൻ  ഈ പിള്ളയ്‌ക്ക് കഴിയും . കോടതിയിൽ പിള്ളയോട് കളിച്ചാൽ അറിയാത്ത പിള്ളയ്‌ക്ക് ചൊറിയുമ്പോൾ അറിയും കേരളം പല പ്പോഴും കണ്ടിട്ടുള്ളതാണ് .

നാട്ടിൻപുറത്തൊരു ചൊല്ലുണ്ട് . നാത്തൂന് ഈ കുണുക്ക് ഒരിണക്കാ .  ശ്രീ ശ്രീധരൻ പിള്ള ഏത് കുണുക്കിട്ടലും അതോറിനകം തന്നെ. വകീലിന്റെ ജിമിക്കിയാവട്ടെ  . രാഷ്‌ട്രീയ നേതാവിന്റെ കമ്മലാവട്ടെ  . കവിയുടെ കുണുക്കാവട്ടെ  അതെല്ലാം ഇണക്കത്തോടെ അണിയാനുള്ള വരദാനം  ശ്രീധരൻ പിള്ളയ്‌ക്ക് ലഭിച്ചിട്ടുണ്ട് .വൈറൽ  ഗായകരെ പോലെ നമുക്കും പറയാം  എന്റമ്മേടെ ജിമിക്കിയും കമ്മലും . നിയമവും രാഷ്‌ട്രീയവും അടിച്ചുമാറ്റിയെങ്കിൽ എന്ത് .കവിയുടെ കുണുക്ക് അവിടെ തന്നെ ഉണ്ടല്ലോ . അതങ്ങോട്ട് എടുക്കുക . ആ കവിതകളും , ആ കഥകളും ആ ലേഖനങ്ങളും  ഒന്നൊന്നായി ആ താളുകൾ മറിച്ച് നോക്കുക . ആ വരികൾ ഈണത്തിൽ ചൊല്ലുക . ആ കഥകൾ വായിച്ച് സിരകളിൽ നിറയ്‌ക്കുക . അപ്പോൾ ഒരു കാര്യം മനസ്സിലാവും . Some books are to be tasted, others to be swallowed, and some few to be chewed and digested

. ചില പുസ്തകങ്ങൾ രുചിച്ച നോക്കേണ്ടവയാണ് . ചിലത് വിഴുങ്ങേണ്ടവ . ചിലത് ചവച്ചരച്ച് ദഹിപ്പിക്കേണ്ടവ . എന്ന് ഫ്രാൻസിസ് ബേക്കൺ  പറഞ്ഞതിന്റെ അർഥം എന്തെന്ന് .  ശ്രീ ശ്രീധരൻ പിള്ളയിലെ സാഹിത്യകാരൻ മനസ്സിലാക്കാനും വിലയിരുത്താനും നാം അൽപ്പം വൈകി എന്നത് ശരി തന്നെ . അതുകൊണ്ട് അദ്ദേഹത്തിന്റെ സാഹിത്യ മൂല്യത്തിന് ഒരു കോട്ടവും തട്ടുന്നില്ല . വീഞ്ഞ് പഴകും തോറും മൂല്യം  കൂടും എന്നാണല്ലോ . വൈകി വന്ന  വിവേകം എന്നൊക്കെ പറയാറുണ്ടല്ലോ . വൈകി വന്നാൽ എന്ത് . വിവേകം   വിവേകം തന്നെ  അല്ലെ . പാല് പോലെ പഴകിയാൽ പുലിക്കുന്നതല്ലല്ലോ തിരിച്ചറിവ് . സാഹിത്യകാരനായ പി . എസ് ശ്രീധരൻ പിള്ളയ്‌ക്ക് ഒരു കാര്യം ഓർത്ത് സന്തോഷിക്കാം .  കുരങ്ങന്റെ കൈയിൽ കിട്ടിയ മാണിക്യത്തെ കുറിച്ച് കവി പറഞ്ഞതോർത്ത് . കൈയിൽ കിട്ടിയ മാണിക്യത്തെ കുരങ് എങ്ങിനെ കൈകാര്യം ചെയ്തു .

മണപ്പിച്ച് , ചുംബിച്ചു നക്കി കടിച്ചിട്ടി .

ഇണങ്ങാതിരിഞ്ഞാൽ   കുരങ് ആയതിനാൽ

കവി  മാണിക്യത്തെ ആശ്വസിപ്പിച്ചുകൊണ്ട് തുടരുന്നു .

മിനിസ്റെഷ്ഠ , മാഴ്‌കേണ്ട നിന്നുള്ള കാണ്മാൻ

മണിപ്പേറ്റുടയ്‌ക്കത്തെ  നിന്റെ ഭാഗ്യം .

കുപ്പയിൽ പൂണ്ടു കിടന്നാലും മാണിക്യം മാണിക്യം തന്നെയാണ് .  ശ്രീധരൻ പിള്ളയുടെ രചനകളും  തേച്ച് മിനിക്കുയാ കാന്തിയും മൂല്യവും പാച്ചിടും  കല്ലുകൾ തന്നെയാണ് . അൽപ്പം വൈകിയെങ്കിലും കേരളം ആ മാണിക്യത്തെ തിരിച്ചറിഞ്ഞു . പിന്നെ അമാന്തിച്ചില്ല . കൊച്ചിയിലെ അന്തർദേശീയ പുസ്തക മേളയിൽ പി എസ ശ്രീധരൻ പിള്ളയുടെ സാഹിത്യ ലോകത്തെ കുറിച്ചുള്ള  സജീവ ചർച്ചകൾ അരങ്ങേറുന്നു .  സാഹിത്യ നഭസ്സിൽ  ഒരു   നവ താരം  ഉദിക്കട്ടെ