ഫ്രെയിം ടൂ ഫ്രെയിം മോഷന്‍ പിക്‌ച്ചേഴ്‌സിന്റെ ബാനറില്‍ മുബീന്‍ റൗഫ് സംവിധാനം ചെയ്യുന്ന ‘ആരോമലിന്റെ ആദ്യത്തെ പ്രണയം’ എന്ന ചിത്രത്തിന്റെ ചണ്‍ ഫസ്റ്റ് ലുക്ക് പോസ്റ്റര്‍ റിലീസായി. നാട്ടിന്‍പുറത്തെ ഒരു ചെറുപ്പകാരനായ ആരോമലിന്റെ ജീവിതത്തിലുണ്ടാകുന്ന ഒരു രസകരമായ പ്രണയം,പ്രേക്ഷകരെ ത്രസിപ്പിക്കുന്ന നിരവധി കഥാമുഹൂര്‍ത്തങ്ങളാല്‍ ദൃശ്യവല്‍ക്കരിക്കുന്ന ഈ ചിത്രത്തില്‍ നായകനായി സിദ്ധിഖ് സാമന്‍ അഭിനയിക്കുന്നു. കന്നട ചിത്രങ്ങളിലൂടെ ശ്രദ്ധേയനായ യുവ നടന്‍ സിദ്ദിഖ് സാമന്‍ നായകനാവുന്ന ആദ്യത്തെ മലയാള ചിത്രം കൂടിയാണ് ‘ആരോമലിന്റെ ആദ്യത്തെ പ്രണയം’.
നായിക വേഷം കൈകാര്യം ചെയ്യുന്നത് അമാന ശ്രീനി നായികയായി പ്രത്യക്ഷപ്പെടുന്നു. വിനോദ് കോവൂര്‍, അഭിലാഷ് ശ്രീധരന്‍, ഋഷി സുരേഷ് തുടങ്ങിയവരാണ് മറ്റു താരങ്ങള്‍. ഒപ്പം, ‘വെടികെട്ട്’ എന്ന സിനിമയിലൂടെ ശ്രദ്ധേയരായ നിരവധി താരങ്ങളും ഈ ചിത്രത്തില്‍ അണിനിരക്കുന്നു.
തികച്ചും ഗ്രാമീണ പശ്ചാത്തലത്തില്‍ അണിയിച്ചൊരുക്കുന്ന ഈ ചിത്രത്തിന്റെ തിരക്കഥ മിര്‍ഷാദ് കയ്പമംഗലം എഴുതുന്നു. എല്‍ദോ ഐസക്ക് ഛായാഗ്രഹണം നിര്‍വഹിക്കുന്നു.മിര്‍ഷാദ് കയ്പമംഗലം, രശ്മി സുശീല്‍ എന്നിവരുടെ വരികള്‍ക്ക് ചാള്‍സ് സൈമണ്‍ സംഗീതം പകരുന്നു.എഡിറ്റര്‍- അമരീഷ് നൗഷാദ്.
നിരവധി ആഡ് ഫിലിമുകളിലുടെ ശ്രദ്ധേയനായ സംവിധായകന്‍ മുബീന്‍ റൗഫിന്റെ രണ്ടാമത്തെ ചിത്രമാണിത്. ക്രിയേറ്റീവ് ഡയറക്ടര്‍-അമരീഷ് നൗഷാദ്, കല- സിദ്ദിഖ് അഹമ്മദ്, മേക്കപ്പ്- ഷിജുമോന്‍, കോസ്റ്റ്യൂം- ദേവകുമാര്‍ എസ്, സ്റ്റില്‍സ്- ബെന്‍സണ്‍ ബെന്നി, പ്രൊഡക്ഷന്‍ കണ്‍ട്രോളര്‍- റിയാസ് വയനാട്. ബിജിഎം- ശ്രീകാന്ത് ശങ്കരനാരായണന്‍, കാസ്റ്റിംഗ് ഡയറക്ടര്‍- റമീസ് കെ. അസോസിയേറ്റ് ക്യാമറമാന്‍- സിഖില്‍ ശിവകല. പ്രൊഡക്ഷന്‍ എക്‌സിക്യൂട്ടീവ്- മുഹമ്മദ് ഫേയ്‌സ്, അശ്വിന്‍ മോട്ടി, പിആര്‍ഒ- എ.എസ്. ദിനേശ്.
പ്രതികരിക്കാൻ ഇവിടെ എഴുതുക: