കൊച്ചി : ഐഎസ്ആര്ഒ ചാരക്കേസില് ഹൈക്കോടതി പ്രത്യേക സിറ്റിങ്ങില് വാദം കേള്ക്കും. സിബിഐ അന്വേഷണം നടത്തുന്ന കേസില് സുപ്രീംകോടതി നിര്ദ്ദേശ പ്രകാരം പ്രതികളാണ് ഹൈക്കോടതിയെ സമീപിച്ചിരിക്കുന്നത്. കേസില് തീര്പ്പാകുന്നത് വരെ ഒരു നടപടിയും സ്വീകരിക്കരുതെന്നും കോടതി ആവശ്യപ്പെട്ടിട്ടുണ്ട്.
സിബിഐ നല്കിയ അപ്പീല് ഹര്ജിയില് ഐഎസ്ആര്ഒ ചാരക്കേസില് പ്രതിയാക്കപ്പെട്ട മുന് ഐബി ഉദ്യോഗസ്ഥന് സിബി മാത്യൂസ് അടക്കമുള്ള പ്രതികള്ക്ക് ഹൈക്കോടതി നല്കിയ ഇടക്കാല ഹര്ജി റദ്ദാക്കിയിരുന്നു. കൂടാതെ പ്രതികളോട് ഹൈക്കോടതിയെ വീണ്ടും സമീപിക്കാന് ആവശ്യപ്പെടുകയായിരുന്നു.
ഈമാസം 15ാണ് കേസില് ഹൈക്കോടതിയുടെ പ്രത്യേക ബെഞ്ചിന്റെ സിറ്റിങ്. അന്ന ജാമ്യ ഹര്ജിയില് ഇടക്കാല ഉത്തരവും നല്കിയേക്കാം. അതിനുശേഷം ആയിരിക്കും ഹൈക്കോടതിയുടെ തുടര് നടപടികള്. കേസില് പ്രതികള്ക്ക് ജാമ്യം ലഭിച്ചില്ലെങ്കില് സിബിഐ അറസ്റ്റ് നടപടികള് കൈക്കൊണ്ടേക്കും. പ്രതികള് ഗൂഢാലോചന നടത്തിയതില് അവരെ കസ്റ്റഡിയിലെടുത്ത് വിശദമായി അന്വേഷണം നടത്തേണ്ടത് ആവശ്യമാണെന്നാണ് സിബിഎ സുപ്രീംകോടതിയില് അറിയിച്ചിരുന്നത്.
