അഹമ്മദാബാദ്: ഗുജറാത്ത് നിയമസഭാ തെരഞ്ഞെടുപ്പിനുള്ള പ്രചാരണ പരിപാടിയില്‍ പങ്കെടുക്കാനെത്തിയ ദല്‍ഹി മുഖ്യമന്ത്രി അരവിന്ദ് കെജ്രിവാളിന് കല്ലേറ്. സൂറത്തിലെ കട്ടഗ്രാമില്‍ റോഡ് ഷോ നടത്തുന്നതിനിടയിലാണ് കല്ലേറ്.
കല്ലേറ് നടക്കുമ്പോള്‍ കെജ്രിവാള്‍ തുറന്ന വാഹനത്തില്‍ സഞ്ചരിക്കുകയായിരുന്നു. അജ്ഞാതനാണ് കല്ലെറിഞ്ഞത്. എന്നാല്‍ ഇത് ആം ആദ്മിയുടെ തന്നെ ജനങ്ങളെ ആകര്‍ഷിക്കാനുള്ള മറ്റൊരു തന്ത്രമാണെന്ന് ഗുജറാത്ത് ബിജെപി ആരോപിക്കുന്നു.
രണ്ടു ഘട്ടങ്ങളിലായാണ് ഗുജറാത്തില്‍ തെരഞ്ഞെടുപ്പ്. ആദ്യ ഘട്ടമായി 89 സീറ്റുകളില്‍ ഡിസംബര്‍ ഒന്നിന് നടക്കും. രണ്ടാംഘട്ടമായ ഡിസംബര്‍ അഞ്ചിന് 93 സീറ്റുകളില്‍ വോട്ടെടുപ്പ് നടക്കും.
ജനം കെജ്രിവാളിനെ തള്ളിക്കളയുമെന്ന് ബിജെപി നേതാവ് രവിശങ്കര്‍ പ്രസാദ് പറഞ്ഞു. കെജ്രിവാളിന്റെ പാര്‍ട്ടി ഗുജറാത്തില്‍ മണ്ണുകപ്പുമെന്ന് ബിജെപി ദേശീയ പ്രസിഡന്‍റ് ജെ.പി. നഡ്ഡ പറഞ്ഞു.
പ്രതികരിക്കാൻ ഇവിടെ എഴുതുക: