പനാജി : മുന് പ്രധാനമന്ത്രി രാജീവ് ഗാന്ധിയോട് ഇടഞ്ഞ് കേന്ദ്ര മന്ത്രി സ്ഥാനം രാജിവെച്ചപ്പോള് ദല്ഹിയില് തനിക്ക് സ്വീകരണം നല്കാന് മുന്കൈ എടുത്തത് ഇഎംഎസ് ആയിരുന്നുവെന്ന് ഗവര്ണര് ആരിഫ് മുഹമ്മദ് ഖാന്. കേരളത്തില് ചട്ടങ്ങള് പാലിക്കാതെ വിസിമാരെ നിയമിച്ചതിനെതിരെ ഗവര്ണര് നടപടി സ്വകരിച്ചതോടെ സംസ്ഥാന സര്ക്കാര് എതിര്പ്പിലാണ്. ഗോവ ഗവര്ണറും ബിജെപി മുന് സംസ്ഥാന പ്രസിഡന്റുമായ പി.എസ്.ശ്രീധരന്പിള്ളയുടെ സാന്നിധ്യത്തിലായിരുന്നു പ്രതികരണം.
കേരളത്തില് ജനിച്ചു വളര്ന്ന പലരെക്കാളും നന്നായി മുണ്ടുടുക്കാന് തനിക്ക് അറിയാം എന്നതാണ് പലരുടെയും യഥാര്ഥ പ്രശ്നം. ഗവര്ണര്പദവി വേണ്ടെന്നു പറയുന്ന രണ്ട് പാര്ട്ടികള് 1946 മുതല് 1951 വരെ ഭരണഘടനാ രൂപീകരണശ്രമങ്ങളോടു മുഖം തിരിച്ചവരാണ്. ഷാബാനു കേസുമായി ബന്ധപ്പെട്ട് പ്രധാനമന്ത്രിയായിരുന്ന രാജീവ് ഗാന്ധിയോട് ഇടഞ്ഞ് കേന്ദ്രമന്ത്രിസ്ഥാനം രാജിവച്ചപ്പോള് ദല്ഹിയില് ആരിഫ് മുഹമ്മദ് ഖാനു സ്വീകരണം നല്കാന് മുന്കൈ എടുത്തത് ഇഎംഎസ് ആയിരുന്നും ഗവര്ണര് അറിയിച്ചു.
യുപിക്കാരനായ ആരിഫ് മുഹമ്മദ് ഖാനു കേരളത്തിലെ സാഹചര്യങ്ങള് അറിയില്ലെന്ന മന്ത്രി കെ.എന്. ബാലഗോപാലിന്റെ വിവാദ പരാമര്ശത്തിനാണ് ഗവര്ണറുടെ ഈ പ്രതികരണം. സിപിഎമ്മിന്റെയും സിപിഐയുടെയും പേരെടുത്തു പറയാതെ ആയിരുന്നു ആരിഫ് മുഹമ്മദ് ഖാന്റെ പരാമര്ശം. ശ്രീധരന്പിള്ളയുടെ ഗോവ ഗ്രാമ സന്ദര്ശന പരിപാടിയുടെ സമാപനത്തോടനുബന്ധിച്ച് രാജ്ഭവനില് നടന്ന ചടങ്ങില് പങ്കെടുക്കുകയായിരുന്നു ഗോവ ഗവര്ണര്.
