നായിക പോസിറ്റീവായിരിക്കണമെന്ന നമ്മുടെ പതിവ് സിനിമാസങ്കല്‍പം മാറ്റിയെഴുതുകയാണ് മുകന്ദനുണ്ണി അസോസിയേറ്റ്സിലെ നായിക. സ്വാര്‍ഥയും ക്രൂരയുമായ മീനാക്ഷി എന്ന കഥാപാത്രത്തെ മിഴിവുറ്റതാക്കി ശ്രദ്ധ നേടുകയാണ് ആര്‍ച്ച ചാന്ദിനി എന്ന പുതുമുഖനടി.
പുതുമുഖനടി എന്ന് പറയുന്നത് തെറ്റാവും. കാരണം വെബ് സീരീസ് രംഗത്തെ പ്രമുഖരായ കരിക്കിന്റെ ‘ആവറേജ് അമ്പിളി’യിലൂടെ ശ്രദ്ധേയമായ പ്രകടനം കാഴ്ചവെച്ച നടിയാണ് ആര്‍ച്ച ചാന്ദിനി. സിനിമയില്‍ പതിനെട്ടാം പടിയിലൂടെയായിരുന്നു അരങ്ങേറ്റം.
ആവറേജ് അമ്പിളിയിലെ പ്രകടനം കണ്ടാണ് സംവിധായകന്‍ അഭിനവ് സുന്ദര്‍ നായിക് ആര്‍ച്ച ചാന്ദിനിയെ വിളിച്ചത്. എന്തായാലും മലയാളത്തിലെ നായികസങ്കല്‍പത്തിന് പുതിയ മാനം നല്‍കുന്ന മീനാക്ഷി എന്ന കഥാപാത്രമായി തിളങ്ങുകയാണ് മുകന്ദനുണ്ണി അസോസിയേറ്റ്സില്‍ ആര്‍ച്ച ചാന്ദിനി. വളരെ പ്രാക്ടിക്കല്‍ ആയ കഥാപാത്രമായ മീനാക്ഷി സമ്പന്നമായ ജീവിതം നയിക്കാന്‍ ആഗ്രഹിക്കുന്നവളാണ്. മുകുന്ദനുണ്ണി അത്യാഗ്രഹിയായ മനുഷ്യനാണെന്നും അയാള്‍ എല്ലാം വെട്ടിപ്പിടിക്കുമെന്നും അയാളോടൊപ്പമുള്ള ജീവിതം സേഫ് ആകുമെന്നും തിരിച്ചറിഞ്ഞ് അയാളെ പങ്കാളിയായി തെരഞ്ഞെടുക്കുന്ന അതിബുദ്ധിമതിയായ കഥാപാത്രത്തെ തനിമ ഒട്ടും ചോരാതെ ആര്‍ച്ച ചാന്ദിനി സ്ക്രീനില്‍ എത്തിക്കുന്നു.
പ്രതികരിക്കാൻ ഇവിടെ എഴുതുക: