കൊല്ലം: സംബോധ് ഫൗണ്ടേഷന്‍ കേരളത്തിന്റെ ആസ്ഥാനമായ കൊല്ലം പെരുമണ്‍ സംബോധാരണ്യത്തില്‍ നടന്ന ‘യതി പൂജ’ സംന്യാസി സംഗമ വേദിയായി.
ഇന്നലെ രാവിലെ നടന്ന യതി പൂജയില്‍ കേരളത്തിന്റെ അകത്തു നിന്നും പുറത്തു നിന്നുമുള്ള നിരവധി സംന്യാസി ശ്രേഷ്ഠര്‍ സംബന്ധിച്ചു. സ്വാമി സ്വപ്രഭാനന്ദ മഹാരാജ്, പ്രജ്ഞാനന്ദതീര്‍ത്ഥ, ആത്മസ്വരൂപാനന്ദ, ചിദാനന്ദപുരി, സത്സ്വരൂപാനന്ദ, എന്നിവര്‍ പ്രഭാഷണം നടത്തി.
യതി പൂജയോടനുബന്ധിച്ചു സംഘടിപ്പിച്ച യോഗത്തില്‍ സംബോധ് ഫൗണ്ടേഷന്‍ കേരളത്തിന്റെ മുഖ്യാചാര്യന്‍ സ്വാമി അദ്ധ്യാത്മാനന്ദ സരസ്വതി ആമുഖ പ്രഭാഷണം നടത്തി. സെക്രട്ടറി അഡ്വ. കല്ലൂര്‍ കൈലാസ് നാഥ്, പ്രസിഡന്റ് ഡോ. കെ. ഉണ്ണികൃഷ്ണ പിള്ള എന്നിവര്‍ സംസാരിച്ചു. ഡോ. അനു സുദേവന്‍, ശാന്തി ശങ്കര്‍, സിന്ധു സതീഷ് എന്നിവര്‍ കീര്‍ത്തനാലാപനം നടത്തി. പൂര്‍ണ കുഭം നല്‍കിയാണ് സംന്യാസിമാരെ വേദിയിലേക്കാനയിച്ചത്.
വി. പാര്‍വ്വതി, സീതാലക്ഷ്മി, രമ്യ രാധാകൃഷ്ണന്‍, അശ്വന്ത്, ഹേമന്ത്, ഉമാദത്തന്‍, ആനന്ദവിനായക്, ശ്രീഹരി, എ. പ്രശാന്ത്, രഘു നാരായണന്‍ തുടങ്ങിയവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: