ആലപ്പുഴ : ശബരിമലയില് യുവതികളെ പ്രവേശിപ്പിക്കരുതെന്നത് ചട്ടമാണ്. അത് മാറ്റിയിട്ടിട്ടില്ല. ശബരിമലയിലെ ആചാരം അട്ടിമറിക്കുകയോ മാറ്റിപ്പറയുകയോ വേണ്ടതില്ലെന്ന് മുന് മന്ത്രിയും സിപിഎം നേതാവുമായ ജി. സുധാകരന്. ശബരിമലയില് 50 വയസ്സുകഴിഞ്ഞ സ്ത്രീകളേ കയറാവൂവെന്ന വാദം അംഗീകരിക്കണമെന്ന് കഴിഞ്ഞ ദിവസം ജി. സുധാകരന് പ്രസ്താവന നടത്തിയിരുന്നു. ഇതുമായി ബന്ധപ്പെട്ട് മാധ്യമങ്ങളോട് സംസാരിക്കുകയായിരുന്നു അദ്ദേഹം.
ശബരിമലയില് പ്രതിഷ്ഠ നിത്യബ്രഹ്മചര്യ സങ്കല്പ്പത്തിലായതുകൊണ്ട് യുവതികളെ പ്രവേശിപ്പിക്കരുതെന്ന് വെച്ചിരിക്കുകയാണ്. ഇതെല്ലാം നമ്മളെല്ലാവരും ബഹുമാനിച്ച് അംഗീകരിച്ചുപോകുന്ന കാര്യമാണ്. അത് മാറ്റിപ്പറയേണ്ടതോ അട്ടിമറി നടത്തേണ്ടതോ ആയ കാര്യമില്ല. 2006-ലെ വിഎസ് സര്ക്കാരില് താന് ദേവസ്വം മന്ത്രിയായിരുന്നു. അന്ന് എല്ലാവരോടുമായി ആലോചിച്ച് പുതിയ ദേവസ്വ നിയമം കൊണ്ടുവന്നു. ആ ചട്ടം രാജ്യത്ത് പുതിയൊരു നിയമം കൊണ്ടുവന്നപ്പോഴും മാറ്റിയില്ല.
ശബരിമലയില് സ്ത്രീയെ ജോലിക്കായി വെച്ചപ്പോള് അവരുടെ വയസ് 60 ആക്കി. മലബാര് ദേവസ്വം ബോര്ഡില് രണ്ടു സ്ത്രീകള്ക്കാണ് ജോലി കൊടുത്തത്. അതും 60 ആണ്. അവിടെ പ്രായവ്യത്യാസമില്ലാതെ മിക്ക ക്ഷേത്രങ്ങളിലും കയറാം. ജന്മസമയത്തെ ഗ്രഹനില അന്ധവിശ്വാസമായി തള്ളികളയാനാവില്ല. ഒരു ജീവി പിറന്ന് വീഴുമ്പോള് ആ സമയത്തെ സോളാര് സിസ്റ്റം അത് ഈ വ്യക്തിയെ സ്വാധീനിക്കുമെന്നാണ് അവര് പറയുന്നത്. സ്വാധീനിക്കില്ലാ എന്ന് എനിക്ക് പറയാന് പറ്റുമോ. അത് അന്ധവിശ്വാസമൊന്നും അല്ലെന്നും സുധാകരന് പറഞ്ഞു.
കഴിഞ്ഞ ദിവസം ജ്യോതിഷ താന്ത്രികവേദി സംസ്ഥാന വാര്ഷികാഘോഷം ഉദ്ഘാടനം ചെയ്യുന്നതിനിടെ ശബരിമലയില് 50 വയസ്സുകഴിഞ്ഞ സ്ത്രീകളെ കയറാവൂവെന്ന് ജി. സുധാകരന് പ്രസ് ലോകത്ത് ജ്ഞാതവും അജ്ഞാതവുമായ കാര്യങ്ങളുണ്ട്. അജ്ഞാതമായവ നിലനില്ക്കുന്നിടത്തോളംകാലം ജ്യോതിഷത്തിനു പ്രസക്തിയുണ്ട്. ജ്യോതിഷം ശാസ്ത്രത്തെ സ്വീകരിച്ചു മുന്നോട്ടുപോകണമെന്നും അദ്ദേഹം ചടങ്ങില് പറഞ്ഞിരുന്നു.
