കൊല്ലം: കൊട്ടാരക്കര എഴുകോണില്‍ ഉദ്ഘാടനം ചെയ്യാനിരുന്ന പ്രതിമ തകര്‍ത്തു. വെള്ളിയാഴ്ച രാത്രിയോടെ ഗാന്ധി പ്രതിമയുടെ തല തകര്‍ക്കുകയായിരുന്നു. തിങ്കളാഴ്ച കൊടിക്കുന്നില്‍ സുരേഷ് എംപി ഉദ്ഘാടനം ചെയ്യാനിരുന്നതാണ് ഇത്.
ഇവിടെ ആദ്യം സ്ഥാപിച്ചിരുന്ന ഗാന്ധി സ്മൃതി മണ്ഡപം തകര്‍ത്തതിനെ തുടര്‍ന്ന് പുതിയ പ്രതിമ സ്ഥാപിക്കുകയായിരുന്നു. സംഭവത്തിന് പിന്നില്‍ സിപിഎം ആണെന്നാണ് കോണ്‍ഗ്രസ് ആരോപിക്കുന്നത്. എഴുകോണ്‍ പോലീസിന് കോണ്‍ഗ്രസ് ഇതുസംബന്ധിച്ച് പരാതി നല്‍കിയിട്ടുണ്ട്. പോലീസ് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക