തിരുവനന്തപുരം: നവംബര് 14 ലോക പ്രമേഹ ദിനാചരണത്തിന്റെ ഭാഗമായി ഇന്ത്യന് ഇന്സ്റ്റിറ്റിയൂട്ട് ഓഫ് ഡയബെറ്റിസിന്റെ നേതൃത്വത്തില് നവംബര് 13നു രാവിലെ 6.30 മുതല് തിരുവനന്തപുരം മ്യൂസിയം മുതല് പാളയം രക്തസാക്ഷി മണ്ഡപം വരെ കൂട്ടനടത്തം സംഘടിപ്പിക്കും. രാവിലെ ഒമ്പതു മുതല് 12 വരെ മ്യൂസിയം കോമ്പൗണ്ടില് എല്.പി, യു.പി, ഹൈസ്കൂള്, ഹയര് സെക്കന്ഡറി വിഭാഗം വിദ്യാര്ഥികള്ക്കായി ചിത്രരചന, ഉപന്യാസം, ക്വിസ് എന്നീ മത്സരങ്ങളും സംഘടിപ്പിക്കും.
താത്പര്യമുള്ളവര് 8.30ന് മുമ്പ് മ്യൂസിയം കോമ്പൗണ്ടില് എത്തണം. 14നു രാവിലെ എട്ടു മുതല് പുലയനാര്കോട്ട ഇന്ത്യന് ഇന്സ്റ്റിറ്റിയൂട്ട് ഓഫ് ഡയബറ്റിസില് സൗജന്യ മെഡിക്കല് ക്യാമ്പും സംഘടിപ്പിച്ചിട്ടുണ്ട്. ക്യാമ്പില് പങ്കെടുക്കുന്നവര്ക്ക് തുടര്ന്നുള്ള ചികിത്സയുടെ ഭാഗമായുള്ള ടെസ്റ്റുകള്ക്ക് പ്രത്യേക ആനുകൂല്യം നല്കുമെന്നും സര്ക്കാര് അറിയിച്ചു.
