തിരുവനന്തപുരം: മ്യൂസിയത്തിനു സമീപം സ്ത്രീക്കു നേരയുണ്ടായ ലൈംഗികാതിക്രമ കേസില് ഒരാളെ പോലീസ് കസ്റ്റഡിയില് എടുത്തു. മലയിന്കീഴ് സ്വദേശിയായ യുവാവിനെയാണ് കസ്റ്റഡിയില് എടുത്തത് എന്നാണ് റിപ്പോര്ട്ട്. ഒരു മന്ത്രിയുടെ പഴ്സനല് സ്റ്റാഫിന്റെ ഡ്രൈവര്കൂടിയായ ഇയാള് ചോദ്യംചെയ്തു വരുകയാണ്.
കസ്റ്റഡിയില് എടുത്തു വ്യക്തി കരാര് അടിസ്ഥാനത്തില് ജോലി ചെയ്യുന്ന ആളാണ്. സംഭവവുമായി ബന്ധപ്പെട്ട് പോലീസ് കസ്റ്റഡിയില് എടുത്ത് ചോദ്യംചെയ്യുന്ന 14ാമത്തെയയാളെന്നാണ് ഇയ്യാളെന്നും റിപ്പോര്ട്ടുകള് പറയുന്നു. അതേസമയം, യുവതിയെ ആക്രമിച്ചയാളും കുറവന്കോണത്ത് വീട്ടില് കയറിയ ആളും ഒരാളുതന്നെയെന്ന് അന്വേഷണ സംഘം രാവിലെ തിരിച്ചറിഞ്ഞിരുന്നു.
ബുധനാഴ്ച പുലര്ച്ചെ 4.40നാണ് ആയിരുന്നു മ്യൂസിയം പരിസരത്തുവച്ച് യുവതിക്കുനേരെ ആക്രമണം ഉണ്ടായത്. യുവതി വ്യക്തി പുറകെ ഓടിയെങ്ങിലും പിടിക്കാനായില്ല. അന്നേ ദിവസം രാത്രി കുറവന്കോണത്തെ വീട്ടിലും അജ്ഞാതന് എത്തി. ഇരുവരും ഒരാള് തന്നെ എന്ന് സിസിടിവി ദൃശ്യങ്ങള് കണ്ട പരാതിക്കാരി പറഞ്ഞിരുന്നെങ്കിലും രണ്ടു പേര് എന്നായിരുന്നു പോലീസ് നിലപാട്. എന്നാല് സാഹചര്യത്തെളിവുകളുടെയും ശാസ്ത്രീയാന്വേഷണത്തിന്റെയും ഒടുവില് രണ്ടു പേരും ഒരാള് എന്ന നിഗമനത്തിലാണ് അന്വേഷണ സംഘം എത്തിയത്.
