കണ്ണൂര്‍ : കണ്ണൂരില്‍ 156 ഗ്രാം എംഡിഎംഎയുമായി യുവാവ് പിടിയില്‍. മമ്പറം മൈലുള്ളിമെട്ടയില്‍ എക്‌സൈസ് വാഹന പരിശോധന നടത്തുന്നതിനിടയിലാണ് പാതിരിയാട് സ്വദേശി പി.പി.ഇസ്മയിലിനെ എംഡിഎംഎയുമായി പിടികൂടിയത്. കാറില്‍ കടത്താനുള്ള ശ്രമത്തിനിടെയാണ് അറസ്റ്റിലായത്.
156.74 ഗ്രാം എംഡിഎംഎയാണ് ഇസ്മയിലില്‍ നിന്നും പിടിച്ചെടുത്തത്. വിപണിയില്‍ 14 ലക്ഷം രൂപ വിലവരുന്ന മയക്കുമരുന്ന് ശേഖരമാണ് പിടികൂടിയത്. ഇസ്മയില്‍ വിദ്യാര്‍ത്ഥികള്‍ക്കും യുവാക്കള്‍ക്കും ഇടയില്‍ ഇയാള്‍ എംഡിഎംഎ വിതരണം ചെയ്യുന്നുവെന്ന് എക്‌സൈസിന് രഹസ്യവിവരം ലഭിച്ചിരുന്നു. തുടര്‍ന്ന് കഴിഞ്ഞ രണ്ട് ദിവസമായി പ്രദേശത്ത് നിരീക്ഷണം ഏര്‍പ്പെടുത്തിയിരിക്കുകയായിരുന്നു. ഞായറാഴ്ച രാവിലെ വീണ്ടും എംഡിഎംഎ കടത്താനുള്ള ശ്രമത്തിനിടയിലാണ് ഇയാള്‍ പിടിയിലായത്.
ഇവിടെ തന്നെ ഒരു മാസം മുമ്പ് 40 ഗ്രാം എംഡിഎംഎയുമായി മറ്റൊരാള്‍ പിടിയിലായിരുന്നു. ഇരുവരും തമ്മില്‍ ബന്ധമുണ്ടോ എന്നും സംശയമുണ്ട്. ഇരുവര്‍ക്കും എംഡിഎംഎ വിതരണം ചെയ്തത് ഒരാള്‍ തന്നെയാണോയെന്നും എക്‌സൈസ് പരിശോധിക്കുകയാണ്.
പ്രതികരിക്കാൻ ഇവിടെ എഴുതുക: