ആലപ്പുഴ: ക്ഷേത്രത്തില് മോഷണത്തിന് മുമ്പ് ശ്രീകോവിലിന് മുന്നില് തൊഴുത് പ്രാര്ഥിച്ച് കള്ളന്. അരൂര് പുത്തനങ്ങാടി ശ്രീകുമാരവിലാസം ക്ഷേത്രത്തിലാണ് മോഷണം നടന്നത്. പത്ത് പവൻ വരുന്ന തിരുവാഭരണം, സ്വര്ണ്ണക്കൂട് എന്നിവ മോഷണംപോയി. മോഷണത്തെ സിസിടിവി ദൃശ്യങ്ങള് പുറത്തുവന്നു.
ഇന്നലെ രാത്രി ഒരു മണിയോടെയാണ് മോഷണം നടന്നിരിക്കുന്നത്. ക്ഷേത്രത്തിന്റെ ശ്രീകോവില് തകര്ത്താണ് കള്ളന് അകത്ത് പ്രവേശിച്ചത്. രാവിലെ ക്ഷേത്ര ഭാരവാഹികള് എത്തിയപ്പോഴാണ് ശ്രീകോവില് തുറന്നു കിടക്കുന്നത് കണ്ടത്. മുഖംമൂടി ധരിച്ചെത്തിയയാളാണ് മോഷണം നടത്തിയത്. ഇയാളെ കണ്ടെത്താനുള്ള ശ്രമത്തിലാണ് പോലീസ്.
മുന്പും പരിസരപ്രദേശങ്ങളില് സമാനമായ രീതിയില് മോഷണം നടന്നിട്ടുണ്ടെന്നാണ് പോലീസ് സംശയിക്കുന്നത്. സിസിടിവി ദൃശ്യങ്ങള് വിശദമായി പരിശോധിച്ച് പ്രതിയെ പിടികൂടാന് പോലീസ് ശ്രമം ഊര്ജിതമാക്കി. ക്ഷേത്രത്തിന്റെ ശ്രീകോവിലിലേക്ക് പ്രതി ചാടിക്കടക്കുന്നതും ദൃശ്യങ്ങളില് കാണാം.
