തിരുവനന്തപുരം: ആരാധകരും പ്രേക്ഷകരും ഒരു പോലെ കാത്തിരുന്ന ദിലീപ് അരുണ്‍ ഗോപി ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. ബാന്ദ്ര എന്നാണ് ചിത്രത്തിന് പേര് നല്‍കിയിരിക്കുന്നത്. ഒരു ആക്ഷന്‍ എന്റര്‍ടെയ്‌നര്‍ ആയിരിക്കും ചിത്രം എന്നാണ് ഫസ്റ്റ് ലുക്ക് പോസ്റ്റര്‍ നല്‍കുന്ന സൂചനകള്‍. ഒരു കൈയില്‍ തോക്കും മറുകൈയില്‍ സിഗരറ്റും പിടിച്ച് നീളം മുടിയുമായി അതീവ സ്‌റ്റൈലിഷ് ഡോണ്‍ ലുക്കിലാണ് ഫസ്റ്റ് ലുക്ക് പോസ്റ്റര്‍ അവതരിപ്പിച്ചിരിക്കുന്നത്.
തമന്ന നായികയായി എത്തുന്ന ചിത്രത്തില്‍ തമിഴ്‌നടന്‍ ശരത്കുമാറും പ്രധാനകഥാപാത്രത്തെ അവതരിപ്പിക്കുന്നു. അജിത് വിനായക നിര്‍മ്മിക്കുന്ന ചിത്രത്തിന് തിരക്കഥ ഒരുക്കിയിരിക്കുന്നത് ഉദയ്കൃഷ്ണ ആണ്. രാമലീലയ്‌ക്ക് ശേഷം ദിലീപും അരുണ്‍ ഗോപിയും ഒന്നിക്കുന്നുവെന്ന പ്രത്യേകതയും ചിത്രത്തിനുണ്ട്.
ദിലീപിന്റെ പിറന്നാള്‍ ദിനത്തിലാണ് ആരാധകരെ ആവേശത്തിലാഴ്‌ത്തി ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങിയിരിക്കുന്നത്. വോയ്‌സ് ഓഫ് സത്യനാഥനാണ് ഉടന്‍ പുറത്തിറങ്ങുന്ന ദിലീപ് ചിത്രം.
പ്രതികരിക്കാൻ ഇവിടെ എഴുതുക: