തിരുവനന്തപുരം : സംസ്ഥാനത്ത് രണ്ട് ദിവസത്തേയ്ക്ക് വ്യാപകമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. വടക്കന് ആന്ഡമാന് കടലിന് മുകളിലായി ന്യൂനമര്ദ്ദം രൂപപ്പെട്ടിരിക്കുകയാണ്. ഇതിനെ തുടര്ന്ന് 22 വരെ സംസ്ഥാനത്ത് കനത്ത മഴയ്ക്ക് സാധ്യതയുണ്ടെന്ന് ജാഗ്രതാ നിര്ദ്ദേശം നല്കിയിട്ടുണ്ട്.
ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദം ചുഴലിക്കാറ്റായി മാറാന് സാധ്യതയുണ്ട്. രണ്ട് ദിവസത്തേയ്ക്ക് സംസ്ഥാനത്ത് ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും ഇടിമിന്നലിനും സാധ്യതയുണ്ട്. മത്സ്യത്തൊഴിലാളികള് ജാഗ്രത പാലിക്കണം. പടിഞ്ഞാറ് വടക്ക് പടിഞ്ഞാറന് ദിശയില് സഞ്ചരിച്ച് ശനിയാഴ്ചയോടെ മധ്യ ബംഗാള് ഉള്ക്കടലില് തീവ്ര ന്യൂനമര്ദ്ദമായും 48 മണിക്കൂറില് ചുഴലിക്കാറ്റ് ആയും ശക്തി പ്രാപിക്കാന് സാധ്യതയുണ്ട്. അറബിക്കടലില് മഹാരാഷ്ട്ര തീരത്തിനു സമീപം ചക്രവാതച്ചുഴി നിലനില്ക്കുന്നതായും മുന്നറിയിപ്പില് പറയുന്നു.
