കൊച്ചി : ഇലന്തുര്‍ നരബലി കേസില്‍ വിശദമായ അന്വേഷണങ്ങള്‍ക്കായി പ്രതികളെ 12 ദിവസത്തേ പോലീസ് കസ്റ്റഡിയില്‍ വിട്ടു. പ്രതികളായ ഭഗവല്‍ സിങ്, ലൈല ഷാഫി എന്നിവരെ ഇന്ന് ജില്ലാ സെഷന്‍സ് കോടതിയില്‍ ഹാജരാക്കിയപ്പോഴാണ് ഇവരെ അന്വേഷണ വിധേയമായി കസ്റ്റഡിയില്‍ വിട്ടത്. ഈ മാസം 24 വരെയാണ് കസ്റ്റഡി.
കേസിലെ ഒന്നാം പ്രതിയായ ഷാഫി കൊടും കുറ്റവാളിയാണ്. ഇയാളെ വിശദമായി ചോദ്യം ചെയ്യണം. കേസിന്റെ വിശദാംശങ്ങള്‍ ഇയാള്‍ ഇതുവരെ പുറത്തുവിട്ടിട്ടില്ല. ഫോറന്‍സിക് വിദഗ്ധരുടെ സഹായത്തൗോടെ ഷാഫിയെ വിശദമായി ചോദ്യം ചെയ്യേണ്ടതുണ്ടെന്നും പ്രോസിക്യൂഷന്‍ കോടതിയില്‍ അറിയിച്ചു.
കേസിലെ വിശദാംശങ്ങള്‍ പുറത്തുകൊണ്ടുവരേണ്ടതാണ്. പ്രതിയുടെ ക്രിമിനല്‍ പശ്ചാത്തലവും കണക്കിലെടുത്താണ് കീഴ്‌ക്കോടതി പ്രതികളെ 12 ദിവസം കസ്റ്റഡിയില്‍ വിട്ടത്.
അതേസമയം കേസ് പ്രതികളുടെ അഭിഭാഷകനായ അഡ്വ. ആളൂരിനെ കോടതി രൂക്ഷമായി വിമര്‍ശിച്ചു. പ്രതികളെ കസ്റ്റഡിയില്‍ വിട്ടാല്‍ എല്ലാ ദിവസവും തനിക്ക് കാണാന്‍ അവസരം നല്‍കണമെന്ന് ആളൂര്‍ ആവശ്യപ്പെട്ടു. ഇതിനെതിരെയാണ് കോടതിയുടെ പരാമര്‍ശം. കോടതിയക്ക് മേല്‍ നിര്‍ദ്ദേശം ഉന്നയിക്കണ്ടെന്നായിരുന്നു പരാമര്‍ശം.
പ്രതികരിക്കാൻ ഇവിടെ എഴുതുക: